Mediante a Orde do 9 de setembro de 2024, publicada no Diario Oficial de Galicia núm. 184, do 24 de setembro, convocouse a provisión, polo sistema de libre designación, de seis postos de traballo da Consellería do Medio Rural que se detallan no anexo desta orde.
De conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e no uso das atribucións conferidas polo artigo 17.2.c) da citada lei,
DISPOÑO:
Primeiro. Resolver a convocatoria pública efectuada pola Orde desta consellería do 9 de setembro de 2024 e designar as persoas funcionarias cuxos datos se sinalan no anexo desta orde para ocupar os postos que tamén se especifican.
Segundo. O cesamento no actual destino efectuarase, segundo o previsto no artigo 8 do Regulamento dos procedementos de mobilidade do persoal funcionario de carreira, aprobado polo Decreto 151/2022, do 4 de agosto, no prazo de tres días contados a partir do seguinte ao da publicación no Diario Oficial de Galicia, ou segundo o establecido na normativa de aplicación na súa Administración de orixe.
A toma de posesión da praza adxudicada deberase realizar no prazo dos tres días seguintes ao do cesamento, se non implica cambio de residencia, ou de sete días se comporta cambio de residencia. Cando o/a adxudicatario/a do posto obteña coa súa toma de posesión o reingreso ao servizo activo, o prazo será dun mes.
O cómputo dos prazos de toma de posesión iniciarase cando rematen os permisos ou licenzas que, de ser o caso, se concedesen á persoa; no caso de incapacidade temporal, a partir da data da alta.
Terceiro. A xefatura de persoal do centro en que cause baixa o/a funcionario/a, así como a daquel en que obteña destino, efectuarán, dentro do prazo sinalado no punto anterior, as correspondentes dilixencias de cesamento e de toma de posesión, das que se dará traslado á Dirección Xeral da Función Pública.
Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición, ante a conselleira do Medio Rural, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente, ante o xulgado do contencioso-administrativo competente, no prazo de dous meses contados desde a mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 18 de outubro de 2024
María José Gómez Rodríguez
Conselleira do Medio Rural
ANEXO I
Apelidos e nome: Márquez Rodríguez, María Fátima.
NRP: 3609832657 A2059.
Grupo: C2.
Corpo/escala: corpo auxiliar da Administración xeral da Comunidade Autónoma de Galicia.
Denominación do posto: secretario/a do conselleiro/a.
Código: MR.C01.00.000.15770.001.
Nivel: 20.
Centro de destino: gabinete do/da conselleiro/a.
Localidade: Santiago de Compostela.
Apelidos e nome: Manzano Pérez, Alejandra.
NRP: 3617405146 A2059.
Grupo: C2.
Corpo/escala: corpo auxiliar da Administración xeral da Comunidade Autónoma de Galicia.
Denominación do posto: secretario/a.
Código: MR.C01.00.000.15770.002.
Nivel: 18.
Centro de destino: Gabinete do/a conselleiro/a.
Localidade: Santiago de Compostela.
Apelidos e nome: Rial Barroso, Zoraida.
NRP: 4584977457 A2059.
Grupo: C2.
Corpo/escala: corpo auxiliar da Administración xeral da Comunidade Autónoma de Galicia.
Denominación do posto: secretario/a do/a secretario/a xeral técnico/a.
Código: MR.C02.00.000.15770.001.
Nivel: 18.
Centro de destino: Secretaría Xeral Técnica.
Localidade: Santiago de Compostela.
Apelidos e nome: Lestido Reboiras, Ana.
NRP: 4483559502 A2060.
Grupo: A1.
Corpo/escala: corpo superior da Administración xeral da Comunidade Autónoma de Galicia.
Denominación do posto: subdirector/a xeral de Planificación e Coordinación de Fondos.
Código: MR.C02.00.005.15770.001.
Nivel: 30.
Centro de destino: Secretaría Xeral Técnica.
Localidade: Santiago de Compostela.
Apelidos e nome: Ferrer Lojo, Francisco Javier.
NRP: 4481354946 2063.
Grupo: A1.
Corpo/escala: corpo facultativo superior, escala de enxeñeiros, especialidade Enxeñaría Agronómica.
Denominación do posto: subdirector/a xeral de Infraestruturas Agrarias.
Código: MR.C06.00.001.15770.001.
Nivel: 30.
Centro de destino: Dirección Xeral de Desenvolvemento Rural.
Localidade: Santiago de Compostela.
Apelidos e nome: Carles Muñiz, José María.
NRP: 3325586235 A207H.
Grupo: C1.
Corpo/escala: axudantes de carácter facultativo, escala axentes facultativos ambientais.
Denominación do posto: axente coordinador/a autonómico UIFO.
Código: MR.C03.00.000.15770.010.
Nivel: 25.
Centro de destino: Dirección Xeral de Defensa do Monte.
Localidade: Santiago de Compostela.