A directora xeral de Recursos Económicos, coa data do 23 de outubro de 2024,

RESOLVE:

1. Someter a memoria xustificativa da proposta de estrutura de custos e fórmula de revisión de prezos para o desenvolvemento do contrato de concesión de obra pública do aparcadoiro do Hospital Gran Montecelo a información pública, en cumprimento do disposto no artigo 9.7.c) do Real decreto 55/2017, do 3 de febreiro, polo que se desenvolve a Lei 2/2015, do 30 de marzo, de desindexación da economía española.

2. O prazo para presentar alegacións será de vinte (20) días, contados desde o día seguinte ao da publicación deste anuncio no Diario Oficial de Galicia.

3. A exposición ao público realízase no Servizo de Patrimonio da Dirección Xeral de Recursos Económicos do Servizo Galego de Saúde (Edificio Administrativo San Lázaro, s/n, 15781 Santiago de Compostela) e na Dirección de Recursos Económicos da Área Sanitaria de Pontevedra (avenida de Vigo, núm. 16, 36003 Pontevedra).

Así mesmo, na páxina web da Consellería de Sanidade https://sanidade.xunta.gal/transparencia/procedementos-informacion-publica atópase á disposición dos interesados o documento completo da memoria xustificativa sometida a información pública.

Santiago de Compostela, 23 de outubro de 2024

Amparo Pousada Soliño
Directora xeral de Recursos Económicos