Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando as persoas interesadas nun procedemento sexan descoñecidas, se ignore o lugar da notificación ou ben, intentada esta, non se puidese efectuar…», mediante este anuncio comunícase a todas as persoas interesadas nos pagamentos dos prezos xustos polos bens e dereitos afectados pola instalación eléctrica denominada Reforma LMTA SJG803 A Devesa, que se realizarán na casa do concello de Cerdedo-Cotobade (sede de Cerdedo), segundo o calendario e o horario que se sinalan no cadro anexo que máis abaixo se detalla.

Ao acto deberán comparecer as persoas propietarias ou titulares de dereitos sobre os bens afectados por si mesmas ou representadas por unha persoa debidamente autorizada, exhibindo o seu DNI/NIF, así como os documentos acreditativos da titularidade.

Vigo, 30 de outubro de 2024

Beatriz López del Olmo
Directora territorial de Pontevedra

ANEXO

Expediente: IN407A 2022/463-4.

Entidade beneficiaria: UFD Distribución Electricidad, S.A.

Denominación da instalación: reforma LMTA SJG803 A Devesa.

Concello: Cerdedo-Cotobade (sede de Cerdedo).

Predio	Referencia catastral	Lugar	Titularidade	Data	Hora
1	36011A027008870000JJ	Carballeira	Serafina Quintillán Fondós	28 de xaneiro de 2025	13.00
2	36011A027007120000JP	Traleira	Descoñecido	28 de xaneiro de 2025	13.00