DOG 227 do 25/11/2024 - RESOLUCIÓN do 28 de outubro de 2024, do Departamento Territorial de Pontevedra, de autorización administrativa previa, declaración, en concreto, de utilidade pública e a necesidade da urxente ocupación que leva implícita e de autorización administrativa de construción dunha instalación eléctrica no concello de Pontevedra (expediente IN407A 2023/550-4).

VI. Anuncios

a) Administración autonómica

Consellería de Economía e Industria

RESOLUCIÓN do 28 de outubro de 2024, do Departamento Territorial de Pontevedra, de autorización administrativa previa, declaración, en concreto, de utilidade pública e a necesidade da urxente ocupación que leva implícita e de autorización administrativa de construción dunha instalación eléctrica no concello de Pontevedra (expediente IN407A 2023/550-4).

Expediente: IN407A 2023/550-4.

Promotora: UFD Distribución Electricidad, S.A.

Denominación: substitución dos apoios da LMTA SJG801 Ponte Bora 1 comprendidos entre o A664AI74/201 e o A648NUPG//204.

Concello: Pontevedra.

Feitos:

1. O 20.12.2023, a empresa UFD Distribución Electricidad, S.A. solicitou a autorización administrativa previa, a autorización administrativa de construción e a declaración, en concreto, de utilidade pública da instalación eléctrica denominada Substitución dos apoios da LMTA SJG801 Ponte Bora 1 comprendidos entre o A664AI74/201 e o A648NUPG//204.

A solicitude inclúe o proxecto de execución asinado polo enxeñeiro técnico industrial Tito Arias Santos, colexiado LE-1010 do COIILE, e no que figura un orzamento total de 9.265,61 euros.

Examinado o proxecto de execución, conclúese que ten como finalidade as seguintes actuacións nas inmediacións do río Lérez, na parroquia de Xeve, no concello de Pontevedra:

– Substitución dos apoios A648NUPG//204, A6534OOX//203 e A664AI74//201 por apoios de celosía C-1000/12, C-2000/12 e C-1000/12, respectivamente, e retirada do apoio A65L3BXX//202.

– Substitución de 60 metros de liña de media tensión aérea entre os apoios A6534OOX//203 e A664AI74//201.

– Regulación do condutor LA-56 entre os seguintes apoios: A63FPWTI//205 e A648NUPG//204; A648NUPG//204 e A6534OOX//203; e A664AI74//201 e A66N0KHT//200.

2. Este departamento territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello de Pontevedra, a Axencia Estatal de Seguridade Aérea (AESA), Augas de Galicia, o Servizo de Patrimonio Natural e o Servizo do Patrimonio Cultural. A empresa promotora manifestou a súa conformidade cos condicionados emitidos.

3. O proxecto someteuse ao trámite de información pública mediante a Resolución do 17.1.2024, publicada nos seguintes medios:

– DOG (Diario Oficial de Galicia): 21.2.2024.

– Xornal Faro de Vigo: 9.2.2024.

– Taboleiro de anuncios do Concello de Pontevedra, desde o 6.2.2024 ata o 20.3.2024, segundo o certificado emitido polo propio concello.

– Portal da transparencia e Goberno aberto da Consellería de Economía e Industria.

Durante este trámite non se recibiron alegacións.

Consideracións legais e técnicas:

1. O Departamento Territorial de Pontevedra é competente para resolver este expediente con fundamento no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

2. A lexislación de aplicación ao presente expediente é:

– Lei 24/2013, do 26 de decembro, do sector eléctrico.

– Lei 39/2015, do 1 de outubro, do procedemento administrativo común das administracións públicas.

– Lei 40/2015, do 1 de outubro, de réxime xurídico do sector público.

– Lei 3/2007, do 9 de abril, de prevención e defensa contra os incendios forestais de Galicia.

– Lei do 16 de decembro de 1954, sobre expropiación forzosa.

– Lei 9/2021, do 25 de febreiro, de simplificación administrativa e de apoio á reactivación económica de Galicia.

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

– Real decreto lei 23/2020, do 23 de xuño, polo que se aproban medidas en materia de enerxía e noutros ámbitos para a reactivación económica.

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

– Decreto do 26 de abril de 1957 polo que se aproba o Regulamento da Lei de expropiación forzosa.

3. As características técnicas da instalación son as que a seguir se describen:

– Liña de media tensión aérea (LMTA) a 20 kV, con condutor LA-56, de 60 metros de lonxitude, coa orixe no apoio proxectado nº A6534OOX//203 da LMTA Ponte Bora 1 e final no apoio proxectado nº A664AI74//201.

– Regulado do condutor existente LA-56: 36 metros entre o apoio existente nº A63FPWTI//205 e o apoio proxectado nº A648NUPG//204; 46 metros entre o apoio proxectado nº A648NUPG//204 e o apoio proxectado nº A6534OOX//203; e 34 metros entre o apoio proxectado nº A664AI74//201 e o apoio existente nº A66N0KHT//200.

A instalación está situada nas inmediacións do río Lérez, na parroquia de Xeve (Santo André), no municipio de Pontevedra.

Conforme o indicado,

Resolvo:

1. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada Substitución dos apoios da LMTA SJG801 Ponte Bora 1 comprendidos entre o A664AI74/201 e o A648NUPG//204, expediente IN407A 2023/550-4, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

2. Declarar a utilidade pública, en concreto, da citada instalación eléctrica, o que leva implícito a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.

3. A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento deberanse cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

4. O prazo para a posta en marcha das instalacións que se autorizan será de doce meses, contados a partir da data da última autorización administrativa necesaria para a execución. Unha vez constituídas estas instalacións, a empresa promotora deberá presentar a solicitude de autorización de explotación ante este departamento territorial acompañada da seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado de dirección final de obra en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

5. O incumprimento das condicións e requisitos establecidos nesta resolución poderá dar lugar á súa revogación, logo da audiencia á promotora, de conformidade co disposto no artigo 53.10 da Lei 24/2013, do 26 de decembro.

6. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra esta resolución, que non é definitiva en vía administrativa, poderase interpoñer recurso de alzada ante a conselleira de Economía e Industria da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 28 de outubro de 2024

Beatriz López del Olmo
Directora territorial de Pontevedra

Anexo

Relación de bens e dereitos afectados

Concello de Pontevedra

Nº	Lugar	Cultivo	Referencia catastral	Titular	Afeccións
Nº	Lugar	Cultivo	Referencia catastral	Titular	Nº	m2
1	Besada	Carballeira	36900A270000950000LD	Descoñecido/a	A648NUPG//204	2,00
2	Besada	Carballeira	36900A270000960000LX	Descoñecido/a	A6534OOX//203	2,00
3	Paulas	Matogueira	36900A269004430000LW	Descoñecido/a	A664AI74//201	2,00