Mediante a Resolución do 23 de setembro de 2024, o director do consorcio Axencia para a Calidade do Sistema Universitario de Galicia (ACSUG) convocou o proceso selectivo para o ingreso, pola quenda de promoción interna separada, no grupo I, categoría titulado/a superior, do cadro de persoal do consorcio (DOG núm. 187, do 27 de setembro), de conformidade co establecido no Decreto 143/2023, do 9 de novembro, polo que se aproba a oferta de emprego público correspondente a prazas de persoal funcionario e laboral da Administración xeral e das entidades instrumentais do sector público autonómico da Comunidade Autónoma de Galicia para o ano 2023 (DOG núm. 214, do 10 de novembro).

O punto 1 da base III da citada resolución establece que o tribunal cualificador do proceso selectivo estará constituído por cinco persoas, e será nomeado por resolución da Dirección de ACSUG e a súa composición será a determinada polo previsto no artigo 59 da LEPG, artigo 60 do TRLEBEP e artigo 48 do Decreto lexislativo 2/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade, e polo Decreto 95/1991, do 20 de marzo, polo que se aproba o Regulamento de selección de persoal da Administración da Comunidade Autónoma de Galicia.

De conformidade co disposto,

RESOLVO:

1. Nomear como membros do tribunal cualificador do proceso selectivo para o ingreso, pola quenda de promoción interna separada, no grupo I, categoría titulado/a superior, do cadro de persoal do consorcio ACSUG, convocado pola Resolución do 23 de setembro de 2024, as seguintes persoas:

– Presidente: José Eduardo López Pereira.

– Secretaria: María José Bravo Bosch.

– Vogais:

Alberto Arufe Varela.

Lourdes Rodilla Jiménez.

Mercedes Vázquez Santamarina.

2. A sesión de constitución do tribunal deberá realizarse nun prazo máximo de quince (15) días hábiles contados a partir do día seguinte ao da publicación do nomeamento do tribunal no Diario Oficial de Galicia. Na dita sesión o tribunal adoptará todas as decisións que lle corresponda para o correcto desenvolvemento do proceso selectivo.

Santiago de Compostela, 26 de novembro de 2024

Eduardo López Pereira
Director da Axencia para a Calidade do Sistema Universitario de Galicia