Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a declaración de utilidade pública, en concreto, da seguinte instalación eléctrica.

Denominación: LMTA CRG805 de alimentación ao CT 27AS13 Bolano (Castroverde).

Solicitante: UFD Distribución Electricidad, S.A.

Domicilio social: avenida América, 38, 28028 Madrid.

Características técnicas principais:

• Liña aérea de alta tensión, a 20 kV, de 736 m de lonxitude, en condutor de tipo LA-56, coa orixe no apoio núm. 108 da LMTA CORG805 Castroverde e final no centro de transformación CTI Bolaño existente.

A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figura no anexo que se insire xunto con este acordo.

Aquelas persoas ou entidades que se consideren afectadas poderán presentar as alegacións que consideren oportunas neste departamento territorial (Edificio Administrativo da Xunta de Galicia de Lugo, rolda da Muralla, 70), no prazo de trinta días contado desde o día seguinte ao da última publicación.

A documentación estará á disposición das persoas interesadas nas dependencias da Sección de Enerxía deste Departamento Territorial de Lugo da Consellería de Economía e Industria (rolda da Muralla, núm. 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 29 46 76), así como no concello de Castroverde. Ademais, tamén se poderá consultar no portal web da Consellería de Economía e Industria a través da seguinte ligazón:

https://economia.xunta.gal/transparencia/instalacion-electrica/castroverde2

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do Regulamento da Lei de expropiación forzosa (BOE núm. 160 do 20 de xuño).

Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos sobre os bens afectados que fosen omitidos.

Lugo, 22 de novembro de 2024

Gustavo José Casasola de Cabo
Director territorial de Lugo

ANEXO I

Relación de bens e dereitos afectados polo proxecto de LMTA CRG805 de alimentación ao CT 27AS13 Bolano (Castroverde)

Concello: Castroverde (Lugo).

Expediente: IN407A 2024/172-2.

Nº de predio	Polígono	Parcela	Lugar	Cultivo	Propietario/a	Apoio (nº)	Apoio (m2)	Sup. (m2)	Voo (long.)	Voo (sup. m2)
4	82	376	Reboleiras	Monte alto	Hdros. de Manuel Eiras Rodríguez				15	170
5	82	377	Reboleiras	Prado	Descoñecido/a				14	203
10	82	168	Vitureiras	Monte alto	Descoñecido/a					34
12	82	165	Lagoa	Monte alto	Descoñecido/a	108/1	1/2	1	55	852
13	82	133	Lagoa	Monte alto	Hdros. de Manuel Eiras Rodríguez				27	427
18	82	130	Lagoa	Monte alto	José Fernández Osorio					94
20	82	135	Lagoa	Monte alto	Hdros. de Amalia Madarro Fernández				18	224
23	82	138	Lagoa	Prado	Hdros. de Aurora Lage Valiño	108/3	1/2	1	25	394
25	82	144	Campa de Riba	Prado	Carolina Palmeiro Ferreiro				35	468
27	82	203	Lagoa	Prado	Magdalena Ferreiro Garrido	108/4	1	2	86	1369
29	82	206	Lg. Bolaño	Prado	Rosa María Ferreiro Garrido					24