DOG 244 do 19/12/2024 - ANUNCIO do 4 de decembro de 2024, do Departamento Territorial de Lugo, polo que se notifica a varios interesados a declaración de utilidade pública, en concreto, e a necesidade de urxente ocupación que iso implica, do proxecto modificado da liña de evacuación eléctrica do parque eólico Picato LAT 132 kV SET PE Picato-SE Eirexe, nos concellos de Guntín, Monterroso e Portomarín (expediente IN407A 2018/2-0).

VI. Anuncios

a) Administración autonómica

Consellería de Medio Ambiente e Cambio Climático

ANUNCIO do 4 de decembro de 2024, do Departamento Territorial de Lugo, polo que se notifica a varios interesados a declaración de utilidade pública, en concreto, e a necesidade de urxente ocupación que iso implica, do proxecto modificado da liña de evacuación eléctrica do parque eólico Picato LAT 132 kV SET PE Picato-SE Eirexe, nos concellos de Guntín, Monterroso e Portomarín (expediente IN407A 2018/2-0).

Polo Acordo do 24 de maio de 2021, a Xefatura Territorial da Vicepresidencia Segunda e Consellería de Economía, Empresa e Innovación de Lugo someteu a información pública a referida solicitude, que inclúe unha relación de bens e dereitos afectados polo proxecto.

Vinculado ao trámite de declaración de utilidade pública, debido aos informes sectoriais emitidos en cumprimento da Lei 8/2009, do 22 de decembro, introducíronse cambios na relación de bens e dereitos afectados sometida inicialmente a información pública (DOG núm. 113, do 16 de xuño de 2021).

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse as persoas interesadas que figuran no anexo para seren notificadas por comparecencia, por non ser posible practicar a notificación prevista na citada norma, despois dos intentos efectuados, ou por resultar descoñecida a persoa interesada ou o seu domicilio.

As persoas interesadas ou os seus representantes legais deberán comparecer no prazo de dez (10) días hábiles, contados desde o seguinte ao da publicación deste anuncio, nas dependencias de Departamento Territorial da Consellería de Medio Ambiente e Cambio Climático de Lugo, Enerxías Renovables, situado no Edificio Administrativo da rolda da Muralla, 70, baixo, 2º, 27071 Lugo, das 9.00 ás 14.00 horas, de luns a venres.

Transcorrido o prazo do parágrafo anterior sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Lugo, 4 de decembro de 2024

Jesús Montouto González
Director territorial de Lugo

ANEXO

Persoa interesada	Datos catastrais
Persoa interesada	Núm.predio	Municipio	Referencia catastral	Polígono	Parcela
Goyanes Vázquez, Fernando José Goyanes López, María Jesús	175	Guntín	27023A01700087	017	00087
Goyanes Vázquez, Fernando José Goyanes López, María Jesús	176	Guntín	27023A01700063	017	00063
Goyanes Vázquez, Fernando José Goyanes Lacueva, Andrés Goyanes López, María Jesús	177	Guntín	27023A01700064	017	00064
Vázquez Piñeiro, José Ángel Vázquez Piñeiro, María Julia Vázquez Piñeiro, Juan Francisco	222	Guntín	27023A00400002	004	00002
Descoñecido	3	Portomarín	27049A00100069	001	00069