Mediante a Resolución do 29 de decembro de 2022 convocouse o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nos postos de técnico Cexar e técnico de campo na categoría oficial de comunicacións/auxiliar técnico de comunicacións do grupo V da entidade instrumental do sector público autonómico da Comunidade Autónoma de Galicia Redes de Telecomunicación Galegas Retegal, S.A. (anuncio da convocatoria no DOG nº 248, do 30 de decembro).

Mediante a Resolución do presidente do Consello de Administración de Redes de Telecomunicación Galegas Retegal, S.A., do 20 de decembro de 2024, desígnase como persoal laboral fixo, para a formalización do correspondente contrato, ás persoas que superaron o proceso de selección e acreditaron estar en posesión dos requisitos necesarios. A resolución está publicada na páxina web de Retegal (https://www.retegal.gal).

Coa publicación da citada resolución dáse por concluído o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nos postos de técnico/a Cexar e técnico/a de campo da categoría de oficial de comunicacións/auxiliar técnico/a de comunicacións do grupo V.

Santiago de Compostela, 23 de decembro de 2024

Julián Cerviño Iglesia
Presidente do Consello de Administración