O día 26 de novembro de 2024, mediante o acordo da Xunta de Goberno local, aprobouse provisionalmente o estudo informativo do trazado do plan sectorial da rede viaria no ámbito do polígono industrial de San Cibrao das Viñas, cruzamento vía 5 con vía 1, e conforme o disposto no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, acordouse someter o expediente ao trámite de información pública.

A duración da información pública será de trinta (30) días hábiles, contados a partir do día seguinte ao da publicación deste anuncio no Diario Oficial de Galicia. Durante este período o estudo pode ser examinado polas persoas que o desexen, co obxecto de formular as alegacións que consideren oportunas.

Durante o devandito prazo o expediente estará dispoñible para a súa consulta na sede electrónica do Concello de San Cibrao das Viñas http://sancibrao.sedelectronica.es/

San Cibrao das Viñas, 27 de decembro de 2024

Marta Nóvoa Iglesias
Alcaldesa