DOG 18 do 28/1/2025 - ANUNCIO do 13 de xaneiro de 2025, do Departamento Territorial da Coruña, polo que se notifica a resolución de autorización administrativa previa, de construción e declaración de utilidade pública, en concreto, dunha instalación de distribución eléctrica no concello de Mazaricos (expediente IN407A 2023/355-1).

VI. Anuncios

a) Administración autonómica

Consellería de Economía e Industria

ANUNCIO do 13 de xaneiro de 2025, do Departamento Territorial da Coruña, polo que se notifica a resolución de autorización administrativa previa, de construción e declaración de utilidade pública, en concreto, dunha instalación de distribución eléctrica no concello de Mazaricos (expediente IN407A 2023/355-1).

Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando as persoas interesadas nun procedemento sexan descoñecidas, se ignore o lugar da notificación ou ben, intentada esta, non se puidese efectuar», mediante o presente anuncio notifícase ás persoas sinaladas no cadro anexo a resolución deste departamento territorial, do 10 de decembro do 2024, pola que se concede a autorización administrativa previa, de construción e declaración de utilidade pública, en concreto, dunha instalación de distribución de enerxía eléctrica a prol da entidade UFD Distribución Electricidad, S.A. e que corresponde ao proxecto de instalación eléctrica denominado Substitución de apoios 123-B1, 123-B2 e 123-B2-1 e instalación de RC na LMTA POT-803 Mazaricos, no concello de Mazaricos (expediente IN407A 2023/355-1).

O texto íntegro da resolución que agora se anuncia está a disposición das persoas interesadas na sede do Departamento Territorial da Consellería de Economía e Industria da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Enerxía (teléfono de contacto 981 18 49 02), das 9.00 ás 14.00 horas, de luns a venres. As persoas interesadas disporán dun prazo de dez (10) días, a partir da publicación deste anuncio, para solicitaren a remisión da resolución ao enderezo que sinalen.

Contra a resolución, que non pon fin á vía administrativa, as persoas interesadas poderán interpoñer recurso de alzada perante a conselleira de Economía e Industria no prazo dun mes contado a partir da notificación da resolución, ou interpoñer calquera outro recurso que proceda.

A Coruña, 13 de xaneiro de 2024

Isidoro Martínez Arca
Director territorial da Coruña

ANEXO

Expediente IN407A 2023/355-1

Substitución de apoios 123-B1, 123-B2 e 123-B2-1 e instalación de RC na LMTA POT-803

Relación de bens e dereitos afectados, concello de Mazaricos

Proxecto	Persoa propietaria/titular	Referencia catastral	Lugar	Afección pleno dominio (LMT e CT e/ou apoios)		LMT aérea-voo (servidume de paso de enerxía eléctrica)		Natureza do terreo
Proxecto	Persoa propietaria/titular	Referencia catastral	Lugar	CT/Nº do apoio	Superficie (m2)	Lonxitude (m)	Superficie (m2)	Natureza do terreo
1	Dolores Domínguez Castelo	15046A504000600000PQ	Santa Leocadia	Novo apoio nº 123-B1	1,69			Rústico
3	María Bermúdez Alvite e outros	15046A504010670000PM	Quinta de Benito	Novo apoio nº 123-B2	1,69	18,57	31,09	Rústico
4	Descoñecida/o	15046A504010770000PJ	Lamoso	Novo apoio nº 123-B2-1	1,21	70,88	152,98	Rústico

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m2.

m2 sot.: superficie de servidume soterrada en m2.