DOG 20 do 30/1/2025 - ANUNCIO da segunda convocatoria do proceso selectivo para a provisión dunha praza da escala de Administración especial, subescala técnica, incluída na oferta de emprego público (OEP) para estabilización do ano 2022.

VI. Anuncios

b) Administración local

Concello de Sada

ANUNCIO da segunda convocatoria do proceso selectivo para a provisión dunha praza da escala de Administración especial, subescala técnica, incluída na oferta de emprego público (OEP) para estabilización do ano 2022.

No Boletín Oficial da provincia da Coruña (BOP) número 251, do 31 de decembro de 2024, foi publicado o anuncio da resolución pola que se convoca novamente a provisión en propiedade da praza vacante deste concello, coas seguintes características:

– 1 (unha) praza vacante de persoal funcionario de carreira da escala de Administración especial, subescala técnica, grupo B de clasificación.

Sistema selectivo: concurso-oposición en quenda libre.

As bases que rexen a convocatoria foron publicadas integramente no BOP núm. 247, do 30.12.2022, e as súas correccións nos BOP núm. 6, do 10.1.2023, e núm. 104, do 2.6.2023.

O prazo de presentación de solicitudes será de 20 días naturais contados desde o seguinte ao da publicación do anuncio da convocatoria no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos na forma prevista nas propias bases.

Sada, 21 de xaneiro de 2025

Óscar Benito Portela Fernández
Alcalde