O 2.4.2024 publicouse no Diario Oficial de Galicia a Resolución do 18 de marzo de 2024 pola que se aproban as bases reguladoras para a concesión de subvencións a asociacións sen ánimo de lucro, en réxime de concorrencia competitiva, para o desenvolvemento de actuacións e actividades de educación ambiental para a sustentabilidade dos ríos da Demarcación Hidrográfica de Galicia-Costa, e se convocan para o ano 2024 (código de procedemento AU301G).

O 23.7.2024, a Dirección de Augas de Galicia, por delegación da Presidencia de Augas de Galicia, ditou resolución de concesión das subvencións das solicitudes para as que había crédito suficiente.

Segundo o recollido na Resolución do 18.3.2024, citada, deben publicarse no Diario Oficial de Galicia e na páxina web de Augas de Galicia a relación das subvencións concedidas.

As subvencións reguladas ao abeiro desta resolución fináncianse con cargo á conta financeira 6518 (subvencións correntes a familias e institucións sen fins de lucro) da entidade pública empresarial Augas de Galicia.

De conformidade co previsto no artigo 14 da Resolución do 18.3.2024, xa citada,

RESOLVO:

Facer público no Diario Oficial de Galicia e na páxina web oficial de Augas de Galicia a relación das entidades beneficiarias e o importe das subvencións concedidas.

Santiago de Compostela, 13 de xaneiro de 2025

A presidenta de Augas de Galicia
P.D. (Disposición adicional primeira da Resolución do 18.3.2024;
DOG núm. 64, do 2 de abril)
Roi Fernández Añón
Director de Augas de Galicia

ANEXO

Detalle de axudas concedidas ao abeiro da Resolución do 18 de marzo de 2024:

Expediente	Entidade solicitante	Proxecto	Zona hidrográfica	Importe da subvención
AU301G2024-2	Asociación para a defensa ecolóxica de Galicia Adega	Educación ambiental para a sustentabilidade dos ríos-Demarcación Hidrográfica Galicia Sur	Sur	60.000,00 €
AU301G2024-3	Asociacion para a defensa ecolóxica de Galicia Adega	Educación ambiental para a sustentabilidade dos ríos-Demarcación Hidrográfica A Mariña	A Mariña	20.000,00 €
AU301G2024-6	Asociación Amicos	Amirios	Centro	60.000,00 €
AU301G2024-7	Asociación de defensa ambiental grupo naturista Hábitat	Zona Hidrográfica de Galicia-Norte	Norte	59.947,20 €