Mediante a Resolución da Alcaldía do 8 de xaneiro de 2025 aprobouse a oferta de emprego público deste Concello para o ano 2025, que contén as prazas que se citan de seguido:

Corporación: Concello do Corgo.

Número de código: 27014.

Persoal laboral fixo

Nº de prazas	Denominación	Xornada	Denominación do posto na RPT
1	Auxiliar de axuda no fogar	Xornada completa	Auxiliar de axuda no fogar nº 2 en RPT (servizos sociais comunitarios básicos)
1	Operario de servizos múltiples	Xornada completa	Operario de servizos múltiples

A execución desta oferta de emprego público debe realizarse dentro do prazo improrrogable de tres anos, contado a partir do día seguinte ao da publicación deste anuncio no correspondente Diario Oficial de Galicia.

O que se fai público, en cumprimento do disposto nos artigos 91.1 da Lei 7/1985, do 2 de abril, reguladora das bases de réxime local, 204 da Lei 2/2015, do 29 de abril, do emprego público de Galicia, e 128 do Real decreto lexislativo 781/1986, do 18 de abril, polo que se aproba o texto refundido das disposicións legais vixentes en materia de réxime local.

Contra a referida resolución, poderase interpoñer, potestativamente, o recurso de reposición, ante o mesmo órgano que a ditou, no prazo dun mes contado a partir do día seguinte ao da referida notificación ou interpoñer directamente o recurso contencioso-administrativo ante o Xulgado do Contencioso-Administrativo de Lugo, sito na rúa Armando Durán, 27002, Lugo, durante o prazo de dous meses, contados a partir do día seguinte ao da referida notificación, sen poder simultanear ambos os dous, conforme se dispón nos artigos 123 e 124 da Lei 39/2015, do 1 de outubro, do procedemento administrativo común das administracións públicas, advertíndolle que tamén poderá utilizar calquera outro recurso que se considere pertinente e/ou exercer as accións que procedan ante a xurisdición competente.

O Corgo, 17 de xaneiro de 2025

Felipe Labrada Reija
Alcalde