Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio infórmanse as persoas afectadas pola expropiación da consignación dos depósitos de prezo xusto dos bens e dereitos afectados pola instalación eléctrica denominada Substitución de apoios LMT ATI713 Casilla, no concello do Porriño, que figuran no cadro anexo.

As persoas interesadas poderán solicitar o levantamento do depósito ante o Servizo de Coordinación Industrial do Departamento Territorial da Consellería de Economía e Industria en Vigo. Na solicitude deberán achegar una copia do seu DNI e un certificado da conta bancaria que acredite que figuran como titulares da conta en que se ingresará o depósito.

Vigo, 29 de xaneiro de 2025

Beatriz López del Olmo
Directora territorial de Vigo

ANEXO

Expediente: IN407A 2023/131-4.

Entidade beneficiaria: UFD Distribución Electricidad, S.A.

Denominación da instalación: Substitución de apoios da LMT ATI713 Casilla.

Concello: O Porriño.

Predio	Referencia catastral	Titular	Depósito do prezo xusto
1	36039A031001780000D	Descoñecido/a	2025/54/23
2	36039A031001870000DR	Descoñecido/a	2025/54/24
3	36039A031002040000DY	Descoñecido/a	2025/54/25