O Consello de Dirección do Instituto Galego de Promoción Económica, na súa xuntanza do día 26 de decembro de 2024, acordou por unanimidade dos seus membros asistentes a aprobación das bases reguladoras do marco de apoio ao acceso ao crédito das pequenas e medianas empresas, instrumentadas mediante convenio coas sociedades de garantía recíproca e as entidades de crédito adheridas (financiamento Igape-pemes). As ditas bases publicáronse mediante a Resolución do 8 de xaneiro de 2025 (DOG núm. 7, do 13 de xaneiro).

Mediante a Resolución do 16 de xaneiro de 2025 (DOG núm. 12, do 20 de xaneiro), publicouse a relación das entidades financeiras que se adheriron ao convenio.

Posteriormente, o 7 de febreiro de 2025, adhírese a entidade financeira «Banca Popolare Ética Soc. Coop. Sucursal en España», polo que cómpre facelo público.

Polo que antecede, en virtude das facultades que teño conferidas,

RESOLVO:

Único. Engadir a entidade financeira «Banca Popolare Ética Soc. Coop. Sucursal en España» á relación de entidades financeiras adheridas ao convenio para a habilitación dun marco de apoio ao acceso ao financiamento das pequenas e medianas empresas, subscrito entre o Instituto Galego de Promoción Económica (Igape) e as sociedades de garantía recíproca (financiamento Igape-pemes).

Santiago de Compostela, 17 de febreiro de 2025

Covadonga Toca Carús
Directora xeral do Instituto Galego de Promoción Económica