Mediante a Resolución do director da Axencia Galega de Infraestruturas do 17 de febreiro de 2025 aprobouse provisionalmente o proxecto referido, que se tramitará segundo o disposto na Lei 8/2013 e no Decreto 66/2016, do 26 de maio, polo que se aproba o Regulamento xeral de estradas de Galicia.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de trazado de mellora da seguridade viaria na OU-540 na Manchica, de clave OU/23/099.06, no concello da Merca (Ourense); para que as persoas que o consideren oportuno poidan formular, por escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, se é o caso, de acordo co disposto no artigo 21.1 da Lei 8/2013 e no artigo 50 do Decreto 66/2016.

Segundo. Someter ao trámite de información pública a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito a rectificación dos posibles erros da relación publicada ou opoñerse á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos aos da relación ao fin que se persegue, de acordo co disposto nos artigos 17, 18 e 19 da Lei do 16 de decembro de 1954, sobre expropiación forzosa.

Terceiro. O prazo para presentar alegacións será de trinta (30) días hábiles contados desde o día seguinte ao da publicación deste anuncio no Diario Oficial de Galicia.

A documentación do proxecto estará á disposición da cidadanía na sede central da Axencia Galega de Infraestruturas, no Servizo de Infraestruturas de Ourense, na casa do Concello da Merca; e na páxina web da Consellería de Vivenda e Planificación de Infraestruturas, onde tamén se atopa un extracto do documento cos obxectivos, localización e descrición da actuación:

https://vivendaeinfraestruturas.xunta.gal/informacion-publica/estudos

Santiago de Compostela, 18 de febreiro de 2025

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Mellora da seguridade viaria na OU-540 na Manchica

Clave: OU/23/099.06

Concello da Merca.

Nº	Referencia catastral	Políg.	Lugar	Titular	NIF	Sit. básica do solo (RDL 7/2015)	Expropiación m²	Ocupación temporal m²	Bens afectados
									Cant.	Ud.	Descrición
1	32048A50200320	502	320	Benjamín Doniz Atrio (hros.)	***2550**	S. rural	64,30
2	32048A50201658	502	1658	Concello da Merca	P3204800A	S. rural	712,80
3	32048A50201659	502	1659	Concello da Merca	P3204800A	S. rural	17,10
4	32048A50200576	502	576	Recursos Mineros Gómez Pérez, S.L.	B32476905	S. urbanizado	32,20		1	ud	Muro peche de pedra 6×1,5 m
									1	ud	Muro peche de bloque 6×1,5 m
									6	ud	Poste de pedra 0,3×0,3×2 m
									4	ud	Reixa metálica 3×1,2 m
									1	ud	Portal metálico 8×1,8 m
5	32048A50200467	502	467	Manuel Grande Fernández	***4003**	S. rural	181,40		6	ud	Árbore madeirable grande
6	32048A50201521	502	1521	En investigación		S. urbanizado	11,70	106,00	1	ud	Pozo de auga
7	001907100NG87F			Manuel Grande Fernández	***4003**	S. urbanizado	17,00	102,00	1	ud	Vivenda en ruínas de pedra e bloque de 120 m2 e 2 plantas
				María Dolores Feijóo Méndez	***7978**