O Decreto do 24 de xaneiro de 2025 do Xulgado do Contencioso-Administrativo número 1 de Santiago de Compostela solicita o emprazamento de cantos aparezan como interesados no recurso contencioso-administrativo PO 13/2025, en relación coas bases reguladoras das axudas a proxectos que impulsen e reforcen a transición á cadea de valor do vehículo eléctrico e á descarbonización do sector da automoción en Galicia, cofinanciadas pola Unión Europea no marco do programa Galicia Feder 2021-2027, convocadas pola Resolución do 13 de xaneiro de 2025 (DOG núm. 8, do 14 de xaneiro).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos da referida sala no prazo de nove días, contados desde o seguinte ao da publicación deste anuncio no Diario Oficial de Galicia.

Santiago de Compostela, 20 de febreiro de 2025

Covadonga Toca Carús
Directora xeral do Instituto Galego de Promoción Económica