De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación persoal nos termos establecidos no artigo 42.2 da dita Lei 39/2015, emprázanse as persoas interesadas que se sinalan no anexo para seren notificadas por comparecencia.

O acto adoptouno a directora territorial da Consellería de Vivenda e Planificación de Infraestruturas de Ourense.

A comparecencia para coñecer o contido íntegro do dito acto deberá efectuarse no prazo de dez días, contados desde o seguinte ao da publicación deste anuncio, na Xefatura da Área Provincial do Instituto Galego da Vivenda e Solo, rúa Sáenz Díez, núm. 1, Ourense, das 9.00 ás 14.00 horas, de luns a venres.

A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado.

Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Ourense, 24 de febreiro de 2025

Esther Rodríguez Casal
Xefa da Área Provincial de Ourense

ANEXO

Expediente	DNI/NIE	Acto obxecto de notificación
ES-OU-04/2024	76755297L	Resolución de procedemento sancionador pola presunta infracción á normativa vixente en materia de fianzas dos contratos de arrendamento
ES-OU-12/2024	44684035A	Acordo de inicio do procedemento sancionador por incumprimento das obrigas que establece a normativa das vivendas de protección autonómica