A Xunta de Goberno Local, na sesión extraordinaria e urxente que tivo lugar o 7 de febreiro de 2025, adoptou, entre outros, o seguinte acordo que se transcribe literalmente a continuación:
«Primeiro. Tomar coñecemento da Resolución do director xeral do IGVS, do 28 de novembro de 2024, pola que se solicita a cesión gratuíta dunhas parcelas municipais integrantes do patrimonio municipal do solo á Sociedade de Vivenda Pública de Galicia, S.A., completada coa Memoria, do 3 de xaneiro de 2025, explicativa acerca dos usos e prazos de execución das vivendas nas ditas parcelas municipais.
Segundo. Aprobar inicialmente a cesión gratuíta, suxeita á condición ou cláusula modal de afectación permanente das parcelas ao cumprimento do fin de promoción da vivenda pública na cidade da Coruña, á Sociedade de Vivenda Pública de Galicia, S.A., das seguintes parcelas municipais integrantes do patrimonio municipal do solo:
a) Parcela B5 do polígono F6.02-Praza porticada I-PB5.
Localización: rúa Rey Abdullah, s/n, A Coruña.
Superficie: 281,80 m2.
Referencia catastral: 7716064NJ4071N0001OM.
Código: C-CORUREI1-ACE.
b) Parcela 5D Os Rosales, das resultantes do proxecto de compensación do polígono Los Rosales.
Localización: polígono Los Rosales; Zona Elíptica, A Coruña.
Superficie: 1.220,00 m2.
Referencia catastral: 5725501NJ4052N0001LO.
Código: C-CORUSIM1-ACE.
c) Parcela R3 Pedro Fernández, resultante da execución do proxecto de equidistribución do polígono 1 Lugar de Pedro Fernández I.
Localización: polígono 1 Lugar de Pedro Fernández I, A Coruña.
Superficie: 1.238,20 m2.
Referencia catastral: 9758603NH4997N0001YP.
Código: C-CORUPED1-ACE.
d) Parcela R4 Pedro Fernández, resultante da execución do Proxecto de equidistribución do polígono 1 Lugar de Pedro Fernández I.
Localización: polígono 1 Lugar de Pedro Fernández I, A Coruña.
Superficie: 290,47 m2.
Referencia catastral: 9758604NH4997N0001GP.
Código: C-CORUPED2-ACE.
Terceiro. Acordar a exposición do citado expediente de cesión gratuíta de bens a información pública polo prazo de vinte (20) días, contados desde a publicación no Boletín Oficial da provincia, para os efectos do xeral coñecemento, consulta e, de ser o caso, presentación das reclamacións ou alegacións que se consideren oportunas e, en caso de ausencia destas, aprobar definitivamente o expediente sen necesidade dunha nova aprobación pola Xunta de Goberno Local.
Cuarto. Levar a cabo as modificacións oportunas no Inventario municipal de bens inmobles integrantes do patrimonio municipal do solo e comunicarlle ao órgano competente da Xunta de Galicia a cesión gratuíta das parcelas municipais.
Quinto. Notificarlles este acordo ao Instituto Galego da Vivenda e Solo e á Sociedade de Vivenda Pública de Galicia, S.A.
Sexto. Publicar este acordo no Boletín Oficial da provincia da Coruña e no Diario Oficial de Galicia.
Sétimo. Facultar o concelleiro responsable da Área de Urbanismo, Vivenda e Rehabilitación para a realización de cantos actos, trámites e xestións sexan procedentes para o bo fin do acordo adoptado».
A Coruña, 12 de febreiro de 2025
A alcaldesa
P.D. (Decreto 3531/2024, do 19 de xuño; BOP núm. 123, do 27 de xuño)
Francisco Dinís Díaz Gallego
Concelleiro delegado responsable da Área
de Urbanismo, Rehabilitación e Vivenda