A Xunta de Goberno Local, na sesión do día 10 de febreiro de 2025, adoptou o seguinte acordo que se publica no Boletín Oficial da provincia de Pontevedra, no Diario Oficial de Galicia (DOG) e na sede electrónica do concello dentro da epígrafe Oferta pública de emprego.

Primeiro. Aprobar a oferta de emprego público do Concello de Vilanova de Arousa correspondente ao ano 2024 nos termos reflectidos no anexo do presente acordo.

Segundo. A publicación da convocatoria dos procesos selectivos incluídos nesta oferta de emprego público deberá realizarse no prazo improrrogable de tres (3) anos, contados desde a data da publicación da presente oferta de emprego público, nos termos previstos no artigo 20.Dous.b) da Lei 22/2021, do 28 de decembro, de orzamentos xerais do Estado para o ano 2022, e no artigo 70.1 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, e 48.4 da Lei 2/2015, do 29 de abril, do emprego público de Galicia.

Vilanova de Arousa, 10 de febreiro de 2025

Gonzalo Durán Hermida
Alcalde

ANEXO

Persoal funcionario

Denominación do posto de traballo: administrativo/a.

Número de postos: 2.

Subgrupo: C1.

Escala/subescala: Administración xeral, subescala administrativa, técnico/a superior.

Tipo de provisión: promoción interna vertical nos termos previstos nos artigos 16.3.c) e 18 do EBEP e 80 da LFPG.