DOG 54 do 19/3/2025 - ANUNCIO polo que se fai pública a convocatoria do proceso selectivo, pola quenda de acceso libre e mediante o sistema de concurso-oposición, para o ingreso en diversas categorías desta entidade do sector público autonómico da Comunidade Autónoma de Galicia.

VI. Anuncios

c) Outros anuncios

Sociedade de Vivenda Pública de Galicia, S.A.

ANUNCIO polo que se fai pública a convocatoria do proceso selectivo, pola quenda de acceso libre e mediante o sistema de concurso-oposición, para o ingreso en diversas categorías desta entidade do sector público autonómico da Comunidade Autónoma de Galicia.

O Consello de Administración de Sociedade de Vivenda Pública de Galicia, S.A. acordou, na súa reunión do 13 de febreiro de 2025:

Primeiro. Anunciar a convocatoria do proceso selectivo de oito prazas incluídas na oferta de emprego público 2024 da Xunta de Galicia.

Segundo. Aprobar a convocatoria de concurso-oposición, pola quenda xeral, para 3 prazas de arquitectos/as, 2 de técnico/a xurídico/a e 2 de administrativo/a, así como 1 de arquitecto/a pola quenda de discapacidade, que se rexerán polas bases do proceso de selección, que serán publicadas na páxina web: www.vivendapublica.gal

O prazo para a presentación de solicitudes rematará transcorridos 20 días hábiles contados desde o día da publicación no DOG.

As solicitudes de participación presentaranse no Rexistro de Sociedade de Vivenda Pública de Galicia, S.A. (local 25-Z, 1º andar, Área Central, polígono das Fontiñas, 15707 Santiago de Compostela), ou nas oficinas de Correos. Neste caso, deberase notificar o envío da documentación mediante correo electrónico ao enderezo: vipugal@vivendapublica.gal, no mesmo día da presentación.

Para estes efectos, a hora de peche do Rexistro será ás 14.00 horas. Se coincide en sábado, domingo ou festivo, prorrogarase ata o día hábil seguinte.

Santiago de Compostela, 12 de marzo de 2025

María Doporto Santos
Xerente de Sociedade de Vivenda Pública de Galicia, S.A.