O Xurado Provincial de Clasificación de Montes Veciñais en Man Común de Pontevedra, na sesión do día 14 de xuño de 2017, acordou iniciar os trámites para a clasificación como veciñal en man común do seguinte monte:

Concello: Salceda de Caselas.

Parroquia: Santo Estevo de Budiño.

Nome do monte: Chan do Monte.

Cabida: 7.092,56 m2 (superficie alegada na solicitude).

Estremas:

Norte: estrada municipal de Bouzapanda e A Ameixeira.

Sur: Eladio Pérez Rodríguez (parcela 774) e Dulcísima Ramírez Alonso (parcela 763).

Leste: Dulcísima Ramírez Alonso (parcela 763), Ramón Carrera Fernández (parcela 752) e estrada de Chan do Monte e Borralliño.

Oeste: estrada municipal de Chan do Monte a Sobredo.

O que se pon en coñecemento de todas as persoas interesadas, indicándolles que se abre un período dun mes para que poidan examinar o expediente e efectuar as alegacións que coiden convenientes, así como achegar os documentos ou informacións que xulguen oportunos, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Pontevedra, 14 de marzo de 2025

Amalia Elsa Pazos Pintos
Instrutora