DOG 69 do 9/4/2025 - RESOLUCIÓN do 17 de marzo de 2025, do Departamento Territorial de Pontevedra, pola que se somete a información pública a petición de autorización administrativa e de declaración de utilidade pública, en concreto, dunha instalación eléctrica no concello de Lalín (expediente IN407A 2025/026-4).

VI. Anuncios

a) Administración autonómica

Consellería de Economía e Industria

RESOLUCIÓN do 17 de marzo de 2025, do Departamento Territorial de Pontevedra, pola que se somete a información pública a petición de autorización administrativa e de declaración de utilidade pública, en concreto, dunha instalación eléctrica no concello de Lalín (expediente IN407A 2025/026-4).

Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministro e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita, da instalación eléctrica que se describe:

Solicitante: UFD Distribución Electricidad, S.A.

Enderezo social: avenida América, 38, 28028 Madrid.

Denominación: Regulamentación LAL805 e LAL810: substitución dos apoios D-65, D-66 e D-68.

Situación: Lalín.

Descricións técnicas:

Substitución dos apoios ARR4A2VU//D-65, AROQ7OC3//D-66 e ARLF7TGF//D-68 da liña de media tensión aérea (LMTA) LAL805 e LAL810, por un apoio C-1000/16, un C-1000/14 e un C-1000/16, respectivamente.

Retensado dos vans comprendidos entre os apoios ARVIO2EC//D-63, ARTGCFHK//D64, ARR4A2VU//D-65, AROQ7OC3//D-66, ARN8K5PS//D-67, ARLF7TGF//D-68 e ARJLTJ6X//D69 (565 metros de condutor LA-80).

A instalación está situada nos lugares de Barreiro de Arriba, Vista Alegre e Chaira, no concello de Lalín (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións neste departamento territorial, avenida María Victoria Moreno, 43, 36071 Pontevedra, no prazo máximo de trinta días a partir da última publicación ou notificación individual.

O proxecto está á disposición do público durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta no portal da Consellería de Economía e Industria (https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte).

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 17 de marzo de 2025

Beatriz López del Olmo
Directora territorial de Pontevedra

ANEXO

Núm. expediente: IN407A 2025/026-4.

Denominación: Regulamentación LAL805 e LAL810: substitución dos apoios D-65, D-66 e D-68.

Concello: Lalín.

Núm.	Lugar	Terreo	Referencia catastral	Titular	Apoio
Núm.	Lugar	Terreo	Referencia catastral	Titular	Núm.	m2
1	Lamas	Rústico	36024A260003780000YT	Saladina Montouto Silva e Óscar Taboada Montouto	D-66	2,00
2	Chaira	Rústico	36024A256000770000YG	Hrdos. de Antonio, Rosa e Purificación Toimil Bernárdez	D-68	2,00