A aprobación da modificación da relación de postos de traballo da Consellería de Política Social e Igualdade e do Consorcio Galego de Servizos de Igualdade e Benestar xustifícase polos cambios introducidos na súa estrutura orgánica polo Decreto 139/2024, do 20 de maio, polo que se establece a estrutura orgánica da Consellería de Política Social e Igualdade, pola necesidade de incardinar postos do Consorcio Galego de Servizos de Igualdade e Benestar en especialidades dos corpos de Administración especial da Administración xeral da Comunidade Autónoma de Galicia da Lei 2/2015, do 29 de abril, do emprego público de Galicia, así como polas razóns indicadas no punto primeiro do acordo.
Esta modificación é unha modificación parcial que contén cambios de diversa natureza pero, por razóns de eficacia e operatividade, estímase máis axeitada unha publicación completa, e non parcial, de tal xeito que nesta publicación figuran postos cuxas clasificacións e características foron aprobadas polo Consello da Xunta en modificacións anteriores.
En consecuencia, consultadas as organizacións sindicais presentes na Mesa de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do 31 de marzo de 2025, adoptou o seguinte
ACORDO:
Primeiro. Aprobar a modificación da relación de postos de traballo da Consellería de Política Social e Igualdade e do Consorcio Galego de Servizos de Igualdade e Benestar nos termos que se sinalan nos anexos deste acordo, como consecuencia das súas necesidades funcionais e organizativas actuais.
Segundo. Ordenar a súa publicación no Diario Oficial de Galicia para os efectos da entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 31 de marzo de 2025, relativo á aprobación da modificación da relación de postos de traballo da Consellería de Política Social e Igualdade e do Consorcio Galego de Servizos de Igualdade e Benestar, coa finalidade de cumprir o dito acordo, de conformidade coa Orde da Consellería de Facenda do 8 de xaneiro de 2020 sobre delegación de competencias na Dirección Xeral da Función Pública (DOG núm. 16, do 24 de xaneiro), dispoño que se publique no Diario Oficial de Galicia como anexo a esta resolución.
Santiago de Compostela, 1 de abril de 2025
O conselleiro de Facenda e Administración Pública
P.D. (Orde do 8.1.2020)
Nuria Aguilar Vázquez
Directora xeral de Emprego Público
e Administración de Persoal
