Mediante a Resolución do director da Axencia Galega de Infraestruturas do 4 de abril de 2025 aprobouse provisionalmente o proxecto referido, que se tramitará segundo o disposto na Lei 8/2013 e no Decreto 66/2016, do 26 de maio, polo que se aproba o Regulamento xeral de estradas de Galicia.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de trazado de Mellora da seguridade e accesibilidade peonil na AC-542. Betanzos, de clave AC/24/082.06, no concello de Betanzos (A Coruña); para que as persoas que o consideren oportuno poidan formular, por escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, se é o caso, de acordo co disposto no artigo 21.1 da Lei 8/2013 e no artigo 50 do Decreto 66/2016.

Segundo. Someter ao trámite de información publica a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito a rectificación dos posibles erros da relación publicada ou opoñerse á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos aos da relación ao fin que se persegue, de acordo co disposto nos artigos 17, 18 e 19 da Lei do 16 de decembro de 1954, sobre expropiación forzosa.

Terceiro. Do mesmo xeito, sométese este proxecto a información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. O prazo para presentar alegacións será de trinta (30) días hábiles contados desde o seguinte ao da publicación deste anuncio no Diario Oficial de Galicia.

A documentación do proxecto estará á disposición da cidadanía na sede central da Axencia Galega de Infraestruturas, no Servizo de Infraestruturas da Coruña, na Casa do Concello de Betanzos; e na páxina web da Consellería de Vivenda e Planificación de Infraestruturas, onde tamén se atopa un extracto do documento cos obxectivos, localización e descrición da actuación:

https://vivendaeinfraestruturas.xunta.gal/informacion-publica/estudos

Santiago de Compostela, 8 de abril de 2025

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados
Mellora da seguridade e accesibilidade peonil na AC-542, Betanzos
Clave: AC/24/082.06

Concello de Betanzos.

Nº	Referencia catastral	Políg.	Parc.	Titular	NIF	Sit. básica do solo (RDL 7/2015)	Expropiación m²	Bens afectados
								Cant.	Ud.	Descrición
1	15009A013002020000EG	13	202	Provincia de España Congregación Hermanas Hospitalarias	R2802306G	Rural	35,00	16 1	m ud	Muro Contador
2	15009A013002010000EY	13	201	Mª de los Ángeles García Gómez Manuel García Gómez María Carmen García Gómez	***7599** ***1704** ***7547**	Rural	1.462,00
3	15009A013002000000EB	13	200	José Manuel Gómez Sancho (herederos de)	***6681**	Rural	2.686,00
4	15009A013001990000EB	13	199	Manuel García Mosquera	---	Rural	285,00
5	15009A013001980000EA	13	198	Manuel Beccaria Lago	***9651**	Rural	33,00
6	15009A013000980000EU	13	98	Concello de Betanzos	P1500900D	Rural	60,00
7	3114401NH6931N0001BM	31144	1	Francisco Rocha Gónzalez Ana María Presedo Díaz	***1979** ***0950**	Urbanizado	55,00	29 + 4	m	Vallado + peche
8	15009A014009860000EM	14	986	María Teresa Lema Espasandín	***7452**	Rural	43,00