De conformidade cos artigos 40, 42, 44 e 46 da Lei 39/2015, do 1 de outubro, do procedemento administrativo común das administracións públicas, logo de tentar en tempo e forma a práctica das notificacións dos actos administrativos que se relacionan no anexo sen que fose posible por causas non imputables á Administración, a través deste anuncio emprázanse para proceder á notificación dos actos administrativos de requirimento de emenda das solicitudes as persoas interesadas que se sinalan no anexo ou a través das persoas que as representen debidamente acreditadas.

Para coñecer o contido íntegro do acto que se notifica, as persoas interesadas, por si ou a través das persoas que as representen debidamente acreditadas, poderán comparecer, no prazo de dez días hábiles contados dende o día seguinte ao da publicación deste anuncio no Boletín Oficial del Estado, nas dependencias do Servizo de Discapacidade do Departamento Territorial da Consellería de Política Social e Igualdade da Coruña, Sección de Cualificación e Valoración de Discapacidades, sitas no Edificio Administrativo, ala sur, Monelos, r/ Vicente Ferrer, nº 2, 15008 da Coruña, das 9.00 ás 14.00 horas, de luns a venres. Transcorrido o prazo sen efectuarse a comparecencia, a notificación entenderase producida ao vencemento do prazo indicado para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírteselles que, de non atender ao acto que se notifica coa emenda da solicitude no prazo de 10 días hábiles a partir do día seguinte á notificación, efectuada por comparecencia, de acordo co disposto no artigo 68 da Lei 39/2015, do 1 de outubro, teranse por desistidas da súa petición previa resolución que deberá ser ditada nos termos previstos no artigo 21 da dita lei.

A Coruña, 11 de marzo de 2025

María Blanco Aller
Directora territorial da Coruña

ANEXO

Procedemento BS611A Expediente	Persoa interesada	Acto administrativo	Data do acto administrativo
2025/0185-1	12859663H	Requirimento da emenda da solicitude	21.1.2025
2024/14216-1	32381932W	Requirimento da emenda da solicitude	3.12.2024
2024/14326-1	58057843R	Requirimento da emenda da solicitude	13.12.2024
2024/12971-1	Sofia de Assis Zambon	Requirimento da emenda da solicitude	3.12.2024
2024/14304-1	32965629M	Requirimento da emenda da solicitude	10.12.2024
2024/14225-1	32782386A	Requirimento da emenda da solicitude	3.12.2024
2024/14511-1	Y4336625N	Requirimento da emenda da solicitude	26.12.2024
2024/12053-1	32344116K	Requirimento da emenda da solicitude	18.2.2025