DOG 80 do 28/4/2025 - ANUNCIO polo que se fai pública a convocatoria dun proceso selectivo pola quenda de acceso libre e mediante o sistema de concurso-oposición, para o ingreso como persoal laboral fixo na categoría de ordenanza do persoal da Corporación, nunha praza reservada para ser cuberta por persoas que acrediten discapacidade intelectual.

VI. Anuncios

c) Outros anuncios

Corporación Radio e Televisión de Galicia, S.A.

ANUNCIO polo que se fai pública a convocatoria dun proceso selectivo pola quenda de acceso libre e mediante o sistema de concurso-oposición, para o ingreso como persoal laboral fixo na categoría de ordenanza do persoal da Corporación, nunha praza reservada para ser cuberta por persoas que acrediten discapacidade intelectual.

A Corporación Radio e Televisión de Galicia, S.A. (en diante, CRTVG) é unha sociedade mercantil pública autonómica do artigo 102 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, que ten encomendada a xestión do servicio público de comunicación audiovisual competencia da Comunidade Autónoma de Galicia.

A Resolución do 24 de maio de 2022, do director xeral da CRTVG (DOG núm. 103, do 31 de maio), aprobou a oferta de emprego público correspondente ao ano 2022 e modificou a oferta de emprego correspondente ao ano 2021. A enumeración das prazas que se incluíron na oferta, e que son obxecto desta convocatoria, recolleuse nos anexos I e II da dita resolución.

As bases do proceso selectivo están expostas na páxina web da Corporación (http://www.crtvg.gal/). O prazo de presentación de solicitudes abrirase o día seguinte ao da publicación deste anuncio e terá unha duración de vinte (20) días hábiles. Todas as publicacións e notificacións que a partir deste momento se orixinen como consecuencia deste proceso selectivo faranse públicas na indicada páxina web.

Santiago de Compostela, 3 de abril de 2025

Alfonso Sánchez Izquierdo
Director xeral da Corporación Radio e Televisión de Galicia, S.A.