Convocado o concurso para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galicia, escalas de enxeñeiros, enxeñeiros técnicos, arquitectos, arquitectos técnicos e ciencias, por Resolución do 27 de febreiro de 2024, á vista da proposta da comisión encargada de valorar os méritos alegados polas persoas concursantes e de conformidade coa base IX da convocatoria, esta dirección xeral, no uso da competencia delegada pola Consellería de Facenda e Administración Pública en virtude do disposto no artigo 1 da Orde do 8 de xaneiro de 2020 (DOG núm. 16, do 24 de xaneiro),

RESOLVE:

Primeiro. Excluír o posto número 578 relacionado no anexo I desta resolución da relación de postos vacantes que figuran no anexo I da Resolución do 27 de febreiro de 2024, da Dirección Xeral da Función Pública (DOG núm. 50, do 11 de marzo), incluído erroneamente no concurso por estar ocupado por persoal laboral fixo.

Segundo. Publicar as puntuacións provisionais das persoas concursantes admitidas para cada un dos postos solicitados, no portal web corporativo da Dirección Xeral de Emprego Público e Administración de Persoal na epígrafe de concurso de traslados https://www.xunta.gal/funcion-publica/concurso-de-traslados/consulta

Terceiro. As persoas interesadas poderán formular reclamación contra as puntuacións provisionais no prazo de 10 días hábiles contados a partir do día seguinte ao da publicación desta resolución no Diario Oficial de Galicia, concretamente ata o 26 de maio. O formulario de reclamación estará á disposición das persoas interesadas no portal web corporativo da Dirección Xeral de Emprego Público e Administración de Persoal e deberá cubrirse e presentarse electronicamente segundo o establecido na base IV da convocatoria («Tramitación electrónica») https://www.xunta.gal/funcion-publica/concurso-de-traslados/xeracion-de-reclamacions

A reclamación deberá especificar a alínea ou alíneas da base III sobre as que se reclama, con indicación expresa daqueles méritos que se consideran erroneamente puntuados e a causa concreta obxecto de reclamación.

Santiago de Compostela, 9 de maio de 2025

Nuria Aguilar Vázquez
Directora xeral de Emprego Público e Administración de Persoal

ANEXO I

Postos retirados da primeira fase

Posto	Código do posto	Nv	Grupos	Corpo/escala	Adm. Pub / Áreas Func.	Denominación posto	Cons	Centro directivo	Centro destino	Conc.	Titulacións requeridas	Formación específica	Observacións
578	MR.O19.10.000.36001.060	25	A1A2	ESPECIAL (ESC. ENXEÑEIROS TÉCNICOS - ESP. ENX. TÉCNICA AGRÍCOLA) ESPECIAL (ESC. ENXEÑEIROS - ESP. ENX. AGRÓNOMA)	AXG F_INS	XEFATURA SECCIÓN	MR	FOGGA/ SERVIZOS TERRITORIAIS	SERVIZO TERRITORIAL DE PONTEVEDRA	36001		168