De conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentar en tempo e forma a práctica das notificacións dos actos administrativos que se relacionan no anexo sen que fose posible por causas non imputables á Administración, e tendo en conta que a publicación do seu contido íntegro pode lesionar dereitos e intereses lexítimos, por medio deste anuncio emprázanse para seren notificadas dos actos administrativos de emenda das solicitudes que se indican as persoas interesadas que se sinalan no dito anexo ou a través das persoas que as representen.

Para coñecer o contido íntegro dos actos administrativos que se notifican, as ditas persoas interesadas ou as persoas que as representen, debidamente acreditadas, poderán comparecer no prazo de dez (10) días hábiles, contados desde o día seguinte ao da publicación deste anuncio no Boletín Oficial del Estado, no Servizo de Dependencia do Departamento Territorial da Consellería de Política Social e Igualdade, na rúa Concepción Arenal, núm. 7, da Coruña, das 9.00 ás 14.00 horas, de luns a venres.

Transcorrido o dito prazo sen efectuar a comparecencia, a notificación entenderase producida ao vencemento do prazo indicado para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírteselles que, de conformidade co disposto no artigo 68.1 da Lei 39/2015, do 1 de outubro, nos actos que se notifican outórgaselles ás persoas interesadas un prazo de dez (10) días hábiles, desde o día seguinte á notificación, efectuada por comparecencia, para emendar as súas solicitudes. Transcorrido este prazo sen que se realizase a emenda, entenderase que as persoas interesadas desisten da súa solicitude, e arquivarase o expediente, logo da resolución ditada nos termos do artigo 21 da Lei 39/2015, do 1 de outubro.

A Coruña, 14 de abril de 2025

María Blanco Aller
Directora territorial da Coruña

ANEXO

Procedemento BS210A

Número de expediente	DNI	Contido do acto	Data do documento
CO-0000122142	32398050C	Requirimento da emenda da solicitude	6.11.2024
CO-0000121198	32294866Z	Requirimento da emenda da solicitude	19.9.2024
CO-0000141232	01694841V	Requirimento da emenda da solicitude	17.1.2025
CO-0000123918	76284892X	Requirimento da emenda da solicitude	11.12.2024