De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen efectuar por outro medio faranse por medio de anuncio no Boletín Oficial del Estado (BOE). A súa eficacia queda supeditada á súa publicación no taboleiro de edictos único (TEU) do BOE.
Ao abeiro do disposto no artigo 49 do Regulamento da Lei de expropiación forzosa, esta dirección territorial sinalou o día 29 de xullo de 2025, ás 12.30 horas, para que nas dependencias da Casa do Concello de Abadín se leve a cabo o acto de pagamento do prezo xusto pola ocupación dos predios de referencia.
Os pagamentos faranse de acordo co previsto no artigo 3 da Lei de expropiación forzosa ás persoas propietarias ou titulares do dereito expropiado, que achegarán o título de propiedade e o DNI para a súa identificación. No caso de que o/a titular non poida comparecer ou compareza alguén que actúe en representación dunha pluralidade de titulares, ese representante deberá acreditar a súa condición mediante poder de representación ou documento privado asinado polo/a titular ou titulares e, igualmente, achegar copia do seu DNI, así como os dos/das seus/súas representados/as.
Se a resolución do Xurado de Expropiación de Galicia se atopa impugnada ante a xurisdición contencioso-administrativa, o/a titular terá dereito a que se lle pague a cantidade ata o límite en que exista conformidade, segundo dispón o artigo 50.2 da Lei de expropiación forzosa.
Así mesmo, no suposto de que o pagamento non se poida efectuar no día sinalado, a entidade beneficiaria consignará a indemnización na Caixa de Depósitos da Consellería de Facenda, consignación que será notificada aos expropiados xunto coas correspondentes instrucións para tramitar a desconsignación.
Lugo, 6 de maio de 2025
Jesús Montouto González
Director territorial de Lugo
ANEXO
Proxecto: parque eólico Farrapa II no concello de Abadín (expediente 066-EOL)
Entidade beneficiaria: Norvento, S.L.U.
|
Nº predio |
Titular proposto |
Referencia catastral |
Polígono |
Parcela |
Lugar |
|
26 |
Descoñecido |
27001A053000940000FM |
53 |
94 |
Costa de Abadín |
|
27 |
Descoñecido |
27001A053001650000FI |
53 |
165 |
Costa de Abadín |