Advertido un erro no devandito anuncio, publicado no Diario Oficial de Galicia núm. 25, do xoves 6 de febreiro de 2025, cómpre facer a seguinte corrección:

No sumario, nas páxinas 9981 e 10365, onde di: «EDICTO do 22 de xaneiro de 2025, do Xurado Provincial de Clasificación de Montes Veciñais en Man Común de Ourense, polo que se publica a resolución do expediente de clasificación como veciñal en man común do monte denominado Ampliación de Fragoso, a favor da comunidade de montes veciñais en man común de Fragoso, no concello de Castrelo do Miño», debe dicir: «EDICTO do 22 de xaneiro de 2025, do Xurado Provincial de Clasificación de Montes Veciñais en Man Común de Ourense, polo que se publica a resolución do expediente de clasificación como veciñal en man común do monte denominado Ampliación de Fragoso, a favor da Comunidade de Montes Veciñais en Man Común de Ramirás, no concello de Castrelo de Miño».

No anuncio, no parágrafo terceiro da páxina 10365, e no parágrafo quinto da páxina 10371, onde di: «Ampliación de Fragoso, a favor da comunidade de montes veciñais en man común de Fragoso, no concello de Castrelo do Miño», debe dicir: «Ampliación de Fragoso, a favor da Comunidade de Montes Veciñais en Man Común de Ramirás, no concello de Castrelo de Miño».

No anuncio, no punto cuarto da páxina 10366, onde di:«Pertenza: CMVMC de Fragoso», debe dicir: «Pertenza: CMVMC de Ramirás».