Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento parcial do monte veciñal en man común de Biduedo con propiedades particulares, presentada pola Comunidade de Biduedo, propietaria do monte.

Con data do 15.5.2025 o Servizo de Montes de Lugo emitiu un informe favorable relativo a esta proposta.

Contra o deslindamento solicitado, no prazo dun mes, que comezará a contar a partir do día seguinte ao da publicación deste anuncio, as persoas interesadas poderán presentar ante a Comunidade de Biduedo as alegacións e os títulos que acrediten a propiedade ou a posesión dos predios afectados.

Durante este prazo, a documentación estará dispoñible no Servizo de Montes de Lugo, sito na rolda da Muralla, 70, baixo 2º, das 9.00 ás 14.00 horas, de luns a venres, para os efectos de coñecer integramente o contido da dita proposta.

Lugo, 23 de maio de 2025

Mª Olga Iglesias Fontal
Directora territorial de Lugo