En sesión que tivo lugar o 3 de xuño de 2025, o tribunal nomeado pola Resolución do 10 de decembro de 2024 pola que se nomean os membros do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, escala técnica de mantemento de servizos, convocado pola Resolución do 16 de novembro de 2023 (DOG núm. 221, do 21 de novembro), modificada pola Resolución do 29 de novembro de 2023 (DOG núm. 229, do 1 de decembro), resolución de nomeamento modificada pola Resolución do 16 de decembro de 2024 (DOG núm. 244, do 19 de decembro), acordou, de conformidade co disposto na convocatoria, que o segundo exercicio da oposición, pola quenda de acceso libre e de promoción interna, terá lugar o día 17 de xuño de 2025, en chamamento único que se iniciará ás 15.00 horas, na aula 6 da Escola Galega de Administración Pública sita na rúa de Madrid, 2-4 (As Fontiñas).

As persoas aspirantes deberán ir provistas de DNI ou de documento fidedigno acreditativo da súa identidade, a xuízo do tribunal, e de bolígrafo de tinta azul.

Non se permitirá o acceso ás aulas en que se realice o exercicio con móbiles, axendas electrónicas, reloxos intelixentes, calculadoras ou calquera outro material ou instrumento de que se poidan valer as persoas aspirantes para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 4 de xuño de 2025

Ismael Vilacoba Vieito
Presidente do tribunal