O 23 de outubro de 2024 o Departamento Territorial de Lugo ditou resolución pola que se outorgan á empresa Barras Eléctricas Galaico-Asturianas, S.A., as autorizacións administrativas previas e de construción, e se recoñece, en concreto, a utilidade pública, da instalación eléctrica denominada Peche de anel 20 kV LMT Fons_Sur (SE_Fonsagrada) con LMT Fons_Sur (SE_Fonsagrada) CT Estoupelo (CD_6672)-CT Xegunde (CD_2768), no concello da Fonsagrada.

Esta declaración de utilidade pública, segundo o disposto no artigo 54 da Lei 24/2013, do 26 de decembro, do sector eléctrico, implica a necesidade de ocupación dos bens ou de adquisición dos dereitos afectados e a súa urxente ocupación para os efectos do artigo 52 da Lei de expropiación forzosa, do 16 de decembro de 1954.

De acordo co anterior, este departamento territorial, en cumprimento do disposto no artigo 52 da Lei de expropiación forzosa, resolve convocar a todas as persoas afectadas coas que non se chegou a un acordo, incluídas na relación de bens e dereitos que se insire como anexo a este acordo e que se expón tamén no taboleiro de anuncios do Concello da Fonsagrada deducida da que se someteu a información pública no diario El Progreso do 15 de maio de 2023 e no Diario Oficial de Galicia do 16 de maio de 2023, para que comparezan os días 17, 18 e 19 de setembro de 2025 no Concello da Fonsagrada, sinalado como punto de reunión para, de conformidade co procedemento que se establece no citado artigo, levar a cabo o levantamento das actas previas á ocupación.

Desta convocatoria darase traslado ás persoas interesadas mediante a oportuna citación individual, na cal se sinalará o día e a hora para o levantamento das actas previas. Así mesmo, no taboleiro de anuncios do Concello da Fonsagrada estará exposta a data do levantamento das actas. Todos as persoas interesadas, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por unha persoa debidamente autorizada, achegando os documentos acreditativos da súa titularidade, e poderán ir acompañadas dos seus peritos e dun notario pola súa conta (artigo 52.3 da Lei de expropiación forzosa).

Así mesmo, advírteselles a todas as persoas interesadas que poderán formular alegacións por escrito neste departamento territorial (rolda da Muralla, 70, Lugo) ata o momento do levantamento das actas previas, para os únicos efectos de corrixir os posibles erros cometidos na relación de bens e dereitos afectados (artigo 56.2 do Regulamento da Lei de expropiación forzosa).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, intentada a notificación, non se puidese realizar (sen prexuízo da correspondente publicación no BOE) e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Lugo, 2 de xuño de 2025

O director territorial de Lugo
P.A. (Artigo 40.3 do Decreto 140/2024, do 20 de maio)
Juan Carlos Morán del Pozo
Xefe do Servizo de Industria de Lugo

ANEXO

Nº	Pol.	Parc.	Titular proposto	Cultivo	Apoio nº	Sup. ocup. apoio m²	Sup. voo m²	Sup. total por voo m²	Sup. ocup. perm. sot. m²	Sup. ocup. perm. m² (CT)	Sup. ocup. temporal m²
1	297	43	José López Díaz	Monte alto	0 e 1	22	3	3	16	67	148
4	297	44	Hrdos. de José Ibias Riberas, Rpte. Alfonso Ibias Otero	Monte alto			566	566
9	297	52	José López Díaz e Amador López Fernández	Monte alto			155	155
10	297	53	Hrdos. de José Ibias Riberas, Rpte. Alfonso Ibias Otero Antonio López Rodil	Monte alto			805	805
11	297	54	José Otero Díaz	Monte alto			109	109
12	297	14	María Celina Díaz Valledor	Monte alto	3	3	70	70			19
13	297	27	José López Díaz	Prado			633	633			13
14	300	294	José Fernández Balonga	Monte alto monte baixo			252 720	972
15	300	295	Manuel López Fernández	Monte alto	4	3	1.073	1.073			119
16	300	379	José Otero Díaz	Monte baixo			382	382			158
17	300	125	Concepción Díaz Álvarez	Monte baixo			79	79			69
18	300	124	Raúl Llano Gómez	Monte baixo			105	105			105
19	300	123	Amparo Mosteirín Linares	Monte baixo			86	86			50
20	300	122	Manuel López Fernández	Monte baixo			52	52			34
21	300	121	José Fernández Balonga	Monte baixo			65	65			28
22	300	120	José Palmeiro Villar	Monte baixo			76	76			31
23	300	119	Sara Fernández Rodríguez	Monte baixo			47	47			23
24	300	118	Francisco Rodríguez Fernández	Monte baixo			34	34			24
25	300	117	Raúl Llano Gómez	Monte baixo			1	1
29	301	245	José Landeira Uría	Monte alto			201	201
31	301	244	Javier llano Gegunde	Monte alto			427	427
39	301	222	Javier llano Gegunde	Monte alto			552	552
41	301	220	Montserrat, Soledad, Purificación, Armando e Alfredo Yáñez Pasarín	Monte alto			232	232
43	301	218	Matilde Álvarez García	Monte alto			57	57
44	301	186	Hrdos. de Manuel Gegunde Santamarina	Monte alto			56	56
46	301	188	Inés Landeira Uría	Monte alto			390	390
49	301	191	Manuel López Fernández	Monte alto			731	731			108
50	301	193	Claudina Palmeiro Rico	Monte alto			67	67
55	301	270	Matilde Álvarez García	Monte alto			249	249
56	301	172	Hrdos. de Enrique Linares Cancio	Monte alto			119	119
57	301	365	Aquilino Fernández Álvarez	Monte alto	10	3	2.079	2.079			176
58	301	169	Hrdos. de Manuel Cancio Gómez, Rpte. Jorge Cancio Fernández	Monte alto			7	7			266
59	301	161	Montserrat, Soledad, Purificación, Armando e Alfredo Yáñez Pasarín	Monte alto	11	2	705	705			48
60	301	168	Matilde Álvarez García	Monte alto			28	28			190
63	301	155	Hrdos. de Enrique Linares Cancio	Monte alto			148	148
65	301	153	Montserrat, Soledad, Purificación, Armando e Alfredo Yáñez Pasarín	Monte alto			266	266			14
72	301	336	José Fernández Balonga	Monte baixo							232
73	301	329	Fermín Rodríguez Fernández	Monte baixo							463