Outorgada a declaración de utilidade pública que leva implícita a urxente ocupación dos bens e dereitos afectados pola instalación eléctrica denominada reforma CT A Tablilla 1, no concello de Cerceda (expediente IN407A 2024/203-1), mediante a Resolución deste departamento territorial, do 12 de febreiro de 2025, a favor da entidade beneficiaria Unión Distribuidores Electricidad, S.A. (UDESA), con enderezo na rúa José Ángel Valente, nº 17, baixo, 15706 Santiago de Compostela.

Este departamento territorial, de conformidade cos artigos 52 da Lei de expropiación forzosa, do 16 de decembro de 1954, e 56 do seu regulamento, do 26 de abril de 1957, acorda sinalar o día 4 de agosto de 2025, para o levantamento das actas previas á ocupación, en que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se exporán xunto con esta resolución no taboleiro de edictos do Concello de Cerceda, deducida da que se someteu a información pública no DOG do 26 de novembro de 2024, no BOP do 29 de outubro e no xornal La Voz de Galicia do 30 de outubro, acto ao cal deberán concorrer as persoas propietarias ou titulares de dereitos sobre os predios propostos como afectados, ás cales se lles efectuará notificación individual en que se lles sinalarán os horarios de toma de datos sobre o terreo e posterior levantamento efectivo das actas nas oficinas da casa do dito concello.

Así mesmo, cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación ou ben, intentada esta, non se puidese efectuar, publicarase un anuncio desta convocatoria no taboleiro de edictos único (TEU) do Boletín Oficial del Estado (BOE).

A Coruña, 19 de maio de 2025

Isidoro Martínez Arca
Director territorial da Coruña