No Xulgado Contencioso-administrativo número 1 de Pontevedra, tramítase o recurso 157/2025 (procedemento abreviado), interposto por Begoña María Lamas Castro contra a Resolución do 2 de marzo de 2025, da Dirección Xeral de Recursos Humanos, pola que se desestiman as pretensións da interesada no recurso de reposición presentado en materia de baremación de experiencia profesional, no proceso selectivo de estabilización polo sistema de concurso de méritos, para o ingreso en diversas categorías de persoal de xestión e servizos, entre elas a do grupo técnico da función administrativa convocado pola Resolución do 28 de decembro 2022 (DOG núm. 4, do 5 de xaneiro).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de maio de 2025

María del Mar Pousa Cobas
Directora xeral de Recursos Humanos