En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Inmobiliaria Huttopia Galicia, S.L.

NIF: B10992055.

Expediente: DH.V36.109850.

Lugar: A Carballeira, polígono 205, parcela 92.

Parroquia: Prado.

Concello: Lalín.

Tipo de vertedura 1: augas residuais asimilables a domésticas depuradas.

Caudal máximo anual 1: 32.850 m3/ano.

Punto de vertedura 1: X=565.672; Y=4.725.181

Medio receptor 1: infiltración no terreo (bacía do río Ulla).

Tratamento/evacuación 1:

As augas residuais asimilables a domésticas xeradas no restaurante do cámping son tratadas nun separador de graxas e, posteriormente, xunto coas augas residuais asimilables a domésticas xeradas no resto das instalacións, en dúas fosas sépticas dispostas en paralelo, cada unha delas deseñada para 312 habitantes equivalentes, seguidas dun humidal de fluxo subsuperficial con aireación forzada. O efluente depurado vértese por infiltración no terreo mediante 35 gabias filtrantes.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 20 de xuño de 2025

Leticia Valladares López
Xefa da Área de Verteduras