Mediante a Resolución do 29 de xullo de 2024 (DOG número 153, do 8 de agosto) convocouse para a súa provisión, polo sistema de avaliación colexiada, un posto vacante de xefe/a de Servizo de Procesos de Soporte e Servizos Cirúrxicos da Área Sanitaria de Ourense, Verín e O Barco de Valdeorras.

De conformidade co disposto na base sexta da convocatoria, abriuse un prazo de quince (15) días hábiles, do 9 ao 30 de agosto de 2024, para a presentación de solicitudes de participación, e concorreu unha única aspirante, María Concepción Alonso González, quen o 1 de xullo de 2025, con número de rexistro de entrada 6399 no Hospital Universitario de Ourense, presenta un escrito polo que desiste da súa solicitude de participación no proceso convocado.

Esta xerencia, de conformidade co establecido no Decreto 206/2005, do 22 de xullo (DOG número 145, do 29 de xullo), de provisión de prazas de persoal estatutario do Servizo Galego de Saúde, e na Orde de 24 de maio de 2006 (DOG número 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 145/2024, do 20 de maio (DOG número 101, do 27 de maio), polo que se establece a estrutura orgánica do Servizo Galego de Saúde; pola Orde do 22 de abril de 2020 (DOG número 82, do 29 de abril) sobre delegación de competencias en órganos centrais e periféricos do Servizo Galego de Saúde e na Axencia Galega para a Xestión do Coñecemento en Saúde, e polo Decreto 134/2019, do 10 de outubro (DOG número 204, do 25 de outubro), polo que se regulan as áreas sanitarias e os distritos sanitarios do sistema público de saúde de Galicia,

RESOLVE:

Primeiro. Declarar deserta, por falta de concorrencia de aspirantes, a convocatoria para cubrir, polo procedemento de avaliación colexiada, o posto vacante de xefe/a do Servizo de Procesos de Soporte e Servizos Cirúrxicos da Área Sanitaria de Ourense, Verín e O Barco de Valdeorras.

Segundo. Contra esta resolución poderase interpor, nos termos previstos na Lei 39/2015, do 1 de outubro, do procedemento administrativo común das administración públicas, recurso de alzada ante a Dirección Xeral de Recursos Humanos do Servizo Galego de Saúde no prazo dun mes, contado desde o día seguinte ao da súa publicación.

Ourense, 2 de xullo de 2025

José Santiago Camba Bouzas
Xerente da Área Sanitaria de Ourense, Verín e O Barco de Valdeorras