A Dirección do Centro Universitario da Defensa da Escola Naval Militar (en diante, CUD-ENM), en uso das súas competencias e unha vez recibida a Resolución conxunta do Ministerio de Facenda e do Ministerio para a Transformación Dixital e da Función Pública, do 10 de febreiro de 2025, pola que se autoriza a contratación de profesorado temporal, resolve efectuar o anuncio da convocatoria de concurso público, polo procedemento de urxencia, para cubrir as necesidades docentes existentes mediante a contratación, en réxime laboral, de persoal docente para as seguintes categorías:

Categoría de profesorado	Número de prazas
Axudante doutor	6

Este concurso rexerase polo disposto na Lei orgánica 2/2023, do 22 de marzo, do sistema universitario (LOSU), así como polo Real decreto 898/1985, do 30 de abril, sobre réxime do profesorado universitario; a Lei 39/2015, de 1 de outubro, do procedemento administrativo común das administracións públicas (en diante, Lei 39/2015); a Lei 40/2015, do 1 de outubro, de réxime xurídico do sector público (en diante, Lei 40/2015), e pola normativa reguladora do procedemento para a provisión de prazas de persoal docente e investigador do CUD-ENM, aprobada na reunión do Padroado do 8 de marzo de 2010.

A información completa (bases da convocatoria, modelo de solicitude, etc.) pode consultarse no taboleiro de anuncios do Centro Universitario da Defensa na Escola Naval Militar (praza de España, s/n, 36920 Marín, Pontevedra), así como na páxina web do CUD-ENM (https://cud.uvigo.es/–Persoal–Concursos–Concursos de Profesorado–Vixésimo terceiro concurso de persoal docente contratado (código CPD23).

O prazo de presentación de solicitudes é de vinte días hábiles, contados a partir do día seguinte ao da publicación deste anuncio no Diario Oficial de Galicia, e deberán dirixilas á Dirección do CUD-ENM no modelo oficial, obrigatoriamente acompañadas dos documentos acreditativos previstos na convocatoria.

Marín, 30 de xuño de 2025

José Martín Davila
Director do Centro Universitario da Defensa
na Escola Naval Militar