DOG 138 do 21/7/2025 - ACORDO do 1 de xullo de 2025, do Departamento Territorial da Coruña, polo que se somete a información pública a solicitude de outorgamento da autorización administrativa previa e de construción e de declaración de utilidade pública, en concreto, dunha instalación de distribución de enerxía eléctrica no concello de Vilasantar (expediente IN407A 2024/397-1).

VI. Anuncios

a) Administración autonómica

Consellería de Economía e Industria

ACORDO do 1 de xullo de 2025, do Departamento Territorial da Coruña, polo que se somete a información pública a solicitude de outorgamento da autorización administrativa previa e de construción e de declaración de utilidade pública, en concreto, dunha instalación de distribución de enerxía eléctrica no concello de Vilasantar (expediente IN407A 2024/397-1).

Expediente: IN407A 2024/397-1.

Solicitante/promotora: UFD Distribución Electricidad, S.A.

Denominación: Regulamentación LMT SDG709 entre B00MD3OH//9-60-B21 e B09EWPD8//9-60-B23.

Concello: Vilasantar.

1. Características técnicas:

Actuacións na liña eléctrica aérea de 15 kV denominada SDG 709:

• Substitución de 3 apoios existentes por outros de tipo celosía nas proximidades dos existentes. Tendido de 215,2 m de novo condutor LA-56 entre dous dos novos apoios existentes.

• Liña eléctrica de media tensión aérea, a 15 kV, cunha lonxitude de 216 m para proxectar na LA-56, e 485 m para retensar na L-30, coa orixe no apoio existente na liña SDG709, condutor tipo LA-56 mm² AL e LA-30 mm² Al, e final no apoio existente na mesma liña.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2-2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do concello. Ademais, poderá consultarse no Portal de transparencia e Goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, se é o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.

A Coruña, 1 de xullo de 2025

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Vilasantar

Regulamentación LMT SDG709 entre B00MD3OH//9-60-B21 e B09EWPD8//9-60-B23

Nº parcela	Lugar e referencia catastral	Cultivo	Propietario/a	Afección de solo en pleno dominio		Afección de solo por servidume de paso de enerxía eléctrica
Nº parcela	Lugar e referencia catastral	Cultivo	Propietario/a	Apoio nº	m2	ml aér.	ml sot.	m2 aér.	m2 sot.
1	Pena do Pedrouzo. Vilasantar Ref. catastral: 15091A022005540000HD	Rústico/Agrario	José Lago Veiga	Apoio nº 1	2.0
2	Fontelas. Vilasantar Ref. catastral: 15091A022004600000HD	Rústico/Agrario	Descoñecido/a	Apoio nº 2	2.0

Abreviacións:

ml aér.: lonxitude da servidume aérea en metros lineais.

m2 aér.: superficie de servidume aérea en m2.

ml sot.: lonxitude da servidume soterrada en metros lineais.

m2 sot.: superficie de servidume soterrada.