Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio convócanse todas as persoas interesadas ao acto de levantamento das actas previas ao acto de ocupación dos bens e dereitos afectados pola instalación eléctrica denominada Regulamentación LMTA TRI804 no tramo entre os apoios núms. 63 e 64-4, na casa do concello de Chandrexa de Queixa, segundo o calendario e o horario que se sinalan no cadro anexo.

Ao acto deberán comparecer as persoas propietarias ou titulares de dereitos sobre os bens afectados, por si mesmas ou representadas por unha persoa debidamente autorizada, e exhibir o seu DNI/NIF, así como os documentos acreditativos da titularidade.

Ourense, 8 de xullo de 2025

Alicia María López Míguez
Directora territorial de Ourense

ANEXO

Relación de afectados descoñecidos, con enderezo ignorado ou non notificados

Nº de expediente: IN407A 2024/64-3.

Instalación: regulamentación LMTA TRI804 no tramo entre os apoios núms. 63 e 63-4.

Concello: Chandrexa de Queixa.

Entidade beneficiaria: UFD Distribución Electricidad, S.A.

Predio núm.	Lugar	Referencia catastral	Titular	Lugar da convocatoria	Data	Hora
3	Gándara	32030A032007350000OO	Herdeiros de Montserrat Rodríguez	Casa do concello de Chandrexa de Queixa	30.9.2025	12.30