O Xurado Provincial de Clasificación de Montes Veciñais en Man Común da Coruña, con data do 21.5.2025, acordou iniciar o expediente de declaración do monte de referencia como veciñal en man común. O monte ten as seguintes características:

Expediente núm. 438.

– Monte: Erbedeira.

– Concello: Coristanco.

– Superficie: 14,69 ha.

Límites:

– O monte veciñal atópase perfectamente delimitado polos seus ventos.

– Norte, sur e oeste e diferenciado das propiedades privadas. As súas estremas son:

• Norte, camiño de Cereixa a Amboade (antigo muro ou valado).

• Sur, parcelas particulares con muro no medio.

• Leste, parcelas particulares con muro no medio.

• Oeste, río ou regacho de Ponche que tamén separa de máis parcelas particulares.

A parcela solicitada correspóndese coa superficie referencia catastral 15029A059003550000DB que consta a nome da titularidade do concello.

Segundo o certificado do Rexistro da Propiedade de Carballo do 3 de xullo de 2025 o predio non figura inscrito no Rexistro da Propiedade.

Por medio deste edicto e conforme o disposto no artigo 11 da Lei de montes veciñais en man común do 10 de outubro de 1989 e o artigo 23 do seu Regulamento 260/1992, do 4 de setembro, faise pública a iniciación da tramitación do expediente indicado, co obxecto de que, cantas persoas, organismos ou corporacións resulten interesadas, poidan comparecer e intervir no devandito expediente.

O que se pon en coñecemento de todos os interesados e indícaselles que se abre un período dun mes para que poidan examinar o expediente e efectuar as alegacións que consideren convenientes, así como achegar os documentos ou informacións que xulguen oportunos, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Poderán consultar o antedito expediente no Departamento Territorial da Coruña da Consellería do Medio Rural, Vicente Ferrer, 2, 6º andar, 15071 A Coruña, das 9.00 ás 14.00 horas.

As alegacións dirixiranse ao Servizo de Montes do Departamento Territorial da Coruña da Consellería do Medio Rural e poderanse presentar en calquera rexistro público ou a través da sede electrónica da Xunta de Galicia.

A Coruña, 14 de xullo de 2025

Mª Lourdes Vidal Castro
Instrutora