En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Ferroglobe Cuarzos Industriales Mining, S.A.

NIF: A15016314.

Expediente: DH.V15.106769.

Lugar: concesión de explotación Sonia núm. 5644.

Parroquia: Mogor.

Concello: Mañón.

Tipo de vertedura 1: augas residuais industriais de escorrega depuradas.

Caudal máximo anual 1: 178.684,90 m3/ano.

Punto de vertedura 1: X=603.604; Y=4.845.536.

Medio receptor 1: leito innominado (bacía da ría de Santa Marta de Ortigueira).

Tratamento/evacuación 1:

As augas residuais industriais de escorrega xeradas na maior parte da explotación (bacías 1, 2, 3, 5, 6 e 7) recóllense no fondo do oco de explotación, que actúa como balsa, desde o que se verten, logo de pasar por un tanque de control e corrección de pH por dosificación de calea, para acabar incorporándose a un leito innominado.

Tipo de vertedura 2: augas residuais industriais de escorrega depuradas.

Caudal máximo anual 2: 20.504,92 m3/ano.

Punto de vertedura 2: X=604.491; Y=4.843.882.

Medio receptor 2: leito innominado (bacía da ría de Santa Marta de Ortigueira).

Tratamento/evacuación 2:

As augas residuais industriais de escorrega xeradas na bacía núm. 4, localizada ao sur da explotación, condúcense a unha balsa de decantación con posibilidade de dosificar manualmente calea para a corrección de pH, cuxo efluente se verte á rede de drenaxe da rede viaria, pola que discorre ata acabar incorporándose a un leito innominado.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

Os interesados poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 8 de xullo de 2025

Leticia Valladares López
Xefa da Área de Verteduras