O Pleno, en sesión que tivo lugar o 29 de maio de 2025, acordou:

Primeiro. Aprobar definitivamente o estudo de detalle para a reordenación de volumes nunha parcela con referencia catastral 9666118NH1196N, sita na rúa Santa Lucía, número 14, promovido por Espsil, S.L., e redactado polos arquitectos Carlos Berride Abalo e Juan Antonio Villanueva Ruiz.

Segundo. Publicar no prazo dun mes, no Diario Oficial de Galicia, o acordo de aprobación definitiva, de conformidade co disposto no artigo 82.2 da Lei 2/2016, do 10 de febreiro, do solo de Galicia (LSG).

Terceiro. Publicar, no Boletín Oficial da provincia de Pontevedra, o documento que conteña a normativa e as ordenanzas, de conformidade co disposto no artigo 82.3 da LSG.

Cuarto. Remitir o expediente, en soporte dixital, á consellería competente en materia de urbanismo, para a súa inscrición no Rexistro de Planeamento Urbanístico de Galicia, de conformidade co sinalado no artigo 88 da LSG.

Contra este acordo, que pon fin á vía administrativa, poderase interpoñer recurso contencioso-administrativo, no prazo de dous meses contados desde o día seguinte ao da publicación deste anuncio, ante o Tribunal Superior de Xustiza de Galicia, sen prexuízo de calquera outro recurso ou acción que crean oportuno.

Vilagarcía de Arousa, 11 de xuño de 2025

Alberto Varela Paz
Alcalde