Por medio deste anuncio convócanse todos os veciños dos lugares de Rego Traveso, A Bugalleira, Castro, O Quinteiro, Cezobre, A Torre, O Penedo, A Vila, As Penelas e A Ponte do Muíño, da parroquia de San Cristovo de Borraxeiros, pertencente ao concello de Agolada (Pontevedra), interesados na traída de augas da zona de Borraxeiros, á xunta xeral, que terá lugar no Teleclub de Borraxeiros, o día 27 de setembro de 2025, ás 19.00 horas en primeira convocatoria e ás 19.30 horas en segunda convocatoria, co obxectivo de tratar a seguinte:

Orde do día:

1º. Lectura e aprobación, se procede, da acta da asemblea anterior.

2º. Lectura, exame e aprobación, se procede, das ordenanzas e estatutos da Comunidade de Usuarios da Traída Vella de Borraxeiros.

3º. Rogos e preguntas.

Para que lles sirva de convocatoria, en legal forma, a todas as persoas interesadas.

Borraxeiros, 8 de agosto de 2025

Encarna Tomé Fociños de Valenzuela
Presidenta da Comunidade de Usuarios da Traída Vella de Borraxeiros