De conformidade coas propostas elevadas polas comisións nomeadas para xulgar o concurso de acceso convocado mediante a Resolución desta universidade, do 6 de maio de 2025 (DOG do 15 de maio), e presentada pola persoa proposta a documentación a que fai referencia a base 8ª da convocatoria.

Dado que esta praza foi convocada exclusivamente por necesidades docentes (dentro do 10 % discrecional reservado para prazas de libre asignación a unidades docentes de áreas de coñecemento),

Este reitorado, no uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e demais disposicións concordantes, resolveu efectuar o nomeamento que se relaciona no anexo.

Este nomeamento producirá plenos efectos a partir da correspondente sinatura do contrato pola persoa interesada, que se deberá realizar no prazo máximo de vinte (20) días hábiles, que se contarán desde o día seguinte ao da publicación desta resolución no Diario Oficial de Galicia. Se o último día do prazo for inhábil na Universidade de Vigo, entenderase prorrogado ao primeiro día hábil seguinte.

Contra esta resolución, que esgota a vía administrativa, poderase interpor recurso, ante a xurisdición contencioso-administrativa, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente, poderase interpor recurso de reposición, ante o reitor, no prazo dun mes contado a partir do día seguinte ao da dita publicación, de acordo co disposto na Lei 39/2015, do 1 de outubro, do procedemento administrativo común das administracións públicas (BOE do 2 de outubro).

Vigo, 29 de agosto de 2025

Manuel Joaquín Reigosa Roger
Reitor da Universidade de Vigo

ANEXO

Código:	PPL2401-T15-075-PPL-TC-01
Categoría:	Profesor/a permanente laboral
Área de coñecemento:	Ccia. da Computación e Inteli. Artificial
Departamento:	Informática
Centro de traballo:	Escola Superior de Enxeñaría Informática
DNI	***7919**
Nome e apelidos	Milagros Fernández Gavilanes