O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo 1
Dar publicidade á relación dos convenios e addendas subscritos pola Axencia Galega de Innovación nos meses de maio, xuño, xullo e agosto do ano 2025, que se incorpora no anexo I desta resolución.
Santiago de Compostela, 5 de setembro de 2025
Carmen Cotelo Queijo
Directora da Axencia Galega de Innovación
ANEXO I
Convenios e addendas subscritos pola Axencia Galega de Innovación
nos meses de maio, xuño, xullo e agosto do ano 2025
|
Convenio |
Data de sinatura |
Importe total (€) |
|
Segunda addenda ao convenio de colaboración entre a Axencia Galega de Innovación, a Fundación Pública Galega Centro Tecnolóxico de Supercomputación de Galicia, a Universidade de Santiago de Compostela, a Universidade de Vigo e a Universidade da Coruña para instrumentar a achega de Galicia ao desenvolvemento do Programa de comunicación cuántica dentro dos plans complementarios de I+D+I do Plan de recuperación, transformación e resiliencia. |
24.6.2025 |
Sen achega económica |
|
Segunda addenda ao convenio de colaboración entre a Axencia Galega de Innovación, a Fundación Pública Galega Centro Tecnolóxico de Supercomputación de Galicia, a Universidade de Santiago de Compostela, a Universidade de Vigo e a Universidade da Coruña para a realización do Programa de comunicación cuántica dentro dos plans complementarios de I+D+I do Plan de recuperación, transformación e resiliencia, financiado pola Unión Europea-NextGenerationEU. |
24.6.2025 |
Sen achega económica |
|
Convenio entre a Axencia Galega de Innovación da Consellería de Educación, Ciencia, Universidades e Formación Profesional e a Axencia Estatal Consello Superior de Investigacións Científicas, M.P., para instrumentar a concesión dunha subvención por parte da Axencia Galega de Innovación destinada a complementar as axudas ao persoal investigador principal gañador dunha axuda do programa do Consello Europeo de Investigación (ERC) no marco do programa Horizon Europe. |
3.7.2025 |
160.000,00 € |
|
Convenio de colaboración entre a Axencia Galega de Innovación (GAIN), e a Universidade de Santiago de Compostela para o desenvolvemento do máster en Desenvolvemento Económico e Innovación. |
30.7.2025 |
6.000,00 € |