Mediante este anuncio faise público que, mediante a Resolución da directora territorial da Consellería do Mar en Vigo, do 12 de agosto de 2025, se autorizou a transmisión da titularidade dos parques de cultivos mariños que a seguir se describen:

– Parque 1:

Identificación e localización: parcela número 736 dos planos anexos ao documento de revisión dos parques de moluscos do Carril, termo municipal de Vilagarcía de Arousa.

Superficie: 1.145,23 m2.

Data da resolución do outorgamento: 1.7.2019 (DOG número 131, do 11 de xullo).

Remate da vixencia: 12.7.2029.

– Parque 2:

Identificación e localización: parcela número 737 dos planos anexos ao documento de revisión dos parques de moluscos do Carril, concello de Vilagarcía de Arousa.

Superficie: 475,22 m2.

Data da resolución do outorgamento: 1.7.2019 (DOG número 131, do 11 de xullo).

Remate da vixencia: 12.7.2029.

Especies autorizadas: ameixa fina (Ruditapes decussatus), ameixa babosa (Venerupis corrugata), ameixa xaponesa (Ruditapes philippinarum), berberecho (Cerastoderma edule) e berberecho birollo (Cerastoderma glaucum).

Tipo de transmisión: inter vivos.

Actuais titulares: María Carmen Meaños Galbán (***9373**), Juan José Farto Meaños (***5115**), Irene María Farto Meaños (***6329**), María del Mar Farto Meaños (***5934**) e Vanesa María Farto Meaños (***7736**).

Novo titular: Raúl Bouzada García (***8598**).

O novo titular subrógase no prazo, nos dereitos e nas obrigas dos anteriores.

Condicións particulares baixo as que se autoriza a transmisión da titularidade: os/as titulares deberán achegar no prazo máximo dun mes, contado desde o día seguinte ao da publicación do presente anuncio no Diario Oficial de Galicia, o orixinal ou a copia cotexada do documento notarial da transmisión e o xustificante da liquidación do imposto de transmisións patrimoniais ou de sucesións e doazóns.

Vigo, 13 de agosto de 2025

María Elena Suárez Sarmiento
Directora territorial de Vigo