Visto o expediente para o outorgamento da autorización administrativa previa e de construción para a instalación eléctrica que a seguir se describe:

Peticionaria: Begasa.

Domicilio social: rúa Ramón María Aller Ulloa, 9, 27003 Lugo.

Denominación: Cambio de localización do CT Est. Serv. Río Ouro e LSAT 20 kV de enlace.

Situación: concello de Alfoz.

Características técnicas principais:

– Liña aérea de alta tensión a 20 kV Fazouro, con orixe no apoio 220086 existente e final no apoio A66694 existente, cunha lonxitude total de 282 metros en condutor proxectado tipo LA-56.

– Liña aérea de alta tensión a 20 kV Fazouro, con orixe no apoio P1 proxectado tipo C-3000/16 e final no apoio 20094 existente, cunha lonxitude total de 87 metros en condutor existente tipo LA-56.

– Liña soterrada de alta tensión a 20 kV Fazouro, con orixe nun PAS situado no apoio P2 proxectado, entra e sae no CT 8172 Est. Serv. Río Ouro proxectado e remata noutro PAS situado no apoio P2 proxectado, cunha lonxitude de 1.400 metros en condutor HEPRZ1-240 mm.

– Liña soterrada de alta tensión a 20 kV Fazouro, con orixe no CT 8172 Est. Serv. Río Ouro proxectado e final nun PAS situado no apoio P1 proxectado, cunha lonxitude de 60 metros en condutor HEPRZ1-240 mm.

– CT 8172 Est. Serv. Río Ouro prefabricado, cunha potencia máxima admisible de 1.000 kVA e unha potencia inicial de 250 kVA no cal se instalan tres celas de liña telemandadas e unha de protección con fusibles, relación de transformación 20.000/400-230 V.

– Desmontaxe dun seccionador, do CT 3720 Est. Serv. Río Ouro, de 15 metros de condutor RHZ1-150, de 805 metros de condutor LA-56, 2 apoios de celosía metálica e 4 apoio de formigón.

Finalidade da instalación: mellora das instalacións.

Orzamento: 210.591,39 €.

Documentación que se xunta:

– Separata para o Concello de Alfoz.

– Separata para Augas de Galicia.

– Separata para a Axencia Galega de Infraestruturas.

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, en particular os condicionantes específicos que o promotor debe acatar na execución das obras determinados pola Confederación Hidrográfica do Miño-Sil na resolución do expediente con referencia A/27/48196, e supeditada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

O prazo de posta en marcha das instalacións que se autorizan será de dous anos, contados a partir da data da última autorización administrativa necesaria para a súa execución. En todo caso, deberán respectarse os prazos establecidos no artigo 13.9 do Regulamento (UE) nº 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) nº 2019/1937, e se derroga o Regulamento (UE) núm. 517/2014 (DOUE núm. 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura.

Contra esta resolución poderase interpor recurso de alzada ante a conselleira de Economía e Industria no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 24 de setembro de 2025

Gustavo José Casasola de Cabo
Director territorial de Lugo