A Deputación Provincial da Coruña, na sesión plenaria ordinaria que tivo lugar o 12 de setembro de 2025, adoptou o seguinte acordo:
«26. Aprobación da aceptación da delegación de competencias do Concello de Miño sobre a recadación da taxa por entrada de vehículos.
1. Aceptar a delegación das competencias acordada polo Concello de Miño en relación coa seguinte materia:
Recadación voluntaria e executiva da taxa por entrada de vehículos a través de beirarrúas e por reservas da vía pública para aparcamento exclusivo, parada de vehículos e carga e descarga de mercadorías de calquera clase.
2. A delegación entrará en vigor unha vez sexa publicado este acordo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos tributarios aos concellos da provincia, aprobadas para o efecto por esta deputación provincial».
A Coruña, 22 de setembro de 2025
|
O presidente da Deputación Provincial da Coruña |
Miguel Iglesias Martínez |